বাক্সা, ২ মাৰ্চ: সমগ্ৰ ৰাজ্যৰ লগতে বাক্সা জিলাৰ তামুলপুৰতো নিখিল বড়ো ছাত্ৰ সন্থাই পালন কৰে বড়োলেণ্ড দাবী দিবস । ১৯৮৭চনৰ ২ মাৰ্চত অৰ্থাৎ আজিৰ দিনটোতে এবছুই দাবী উত্থাপন কৰিছিল পৃথক বড়োলেণ্ডৰ । সুদীৰ্ঘ ৩২ বছৰ ধৰি DIVIDE ASSAM 50/50 দাবীৰে আন্দোলন কৰা সংগঠনটোৰ বৰ্তমান পৰ্যন্ত ৫ হাজাৰতকৈ অধিক ছাত্ৰ নেতা শ্বহীদ হৈছে বুলি মন্তব্য এবছুৰ । আনহাতে, অনুষ্ঠানটোত এবছুৰ কেন্দ্ৰীয় সমিতিৰ সম্পাদক ফুনিন বড়ো উপস্থিত থাকি তেওঁলোকৰ আন্দোলন কোনো জাতি-জনগোষ্ঠীৰ বিৰুদ্ধে নহয় অসম চৰকাৰৰ লাঞ্চনাৰ বিৰুদ্ধে বুলি মন্তব্য কৰে ।
আনহাতে, বৰ্তমান পৰ্যন্ত অসম চৰকাৰে বড়ো মাধ্যমৰ পাঠ্যপুথি যোগান ধৰিব নোৱাৰা বিষয় সন্দৰ্ভত সম্পাদক গৰাকীয়ে কয়,
বড়ো মাধ্যমৰ ছাত্ৰ-ছাত্ৰী সকলক ধ্বংস কৰাৰ ষড়যন্ত্ৰ ৰচিছে । গতিকে এনেধৰণৰ অসম চৰকাৰৰ লগত আমি নাথাকো । বড়োসকলক পৃথক ৰাজ্য দিয়ক ।
