শিলচৰত তীব্ৰবেগী বাহনৰ খুন্দাত মৃত্যু আৰক্ষী জোৱানৰ

ধলাইত সংঘটিত এখন বাহনৰ খুন্দাত মৃত্যু হয় এগৰাকী কৰ্তব্যৰত আৰক্ষী জোৱানৰ ৷ নিহত আৰক্ষী জোৱানগৰাকী উধাৰবন্ধৰ সাবুল হুছেইন বৰভূঞা ৷ দেওবাৰে শিলচৰ আৰক্ষী ছাউনীত মৃত জোৱানজনৰ প্ৰতি সামৰিক সম্মান প্ৰদৰ্শন কৰে বিভাগটোৰ বিভিন্নজনে ৷

শিলচৰ,12 জানুৱাৰীঃ কাছাৰ জিলাৰ ধলাইত সংঘটিত হয় এক মৰ্মান্তিক ঘটনা ৷ এখন বাহনৰ খুন্দাত মৃত্যু হয় এগৰাকী কৰ্তব্যৰত আৰক্ষী জোৱানৰ ৷ নিহত আৰক্ষী জোৱানজন উধাৰবন্ধৰ সাবুল হুছেইন বৰভূঞা ৷ 15 এ পি বেটেলিয়নত কৰ্মৰত আছিল মৃত আৰক্ষী জোৱানজন ৷

ঘটনাৰ বিৱৰণী অনুসৰি, শনিবাৰে নিশা প্ৰায় ২ বজাত ধলাই থানাৰ আৰক্ষীসকলে তহল দি থকা অৱস্থাত আচম্বিতে এখন তীব্ৰবেগী স্ক’ৰপিঅ’ গাড়ীয়ে খুন্দা মাৰে আৰক্ষীৰ বাহনত ৷ AS 11 BQ 1222 নম্বৰৰ বাহনখনে আৰক্ষীৰ বাহনত খুন্দিওৱাৰ ফলত থিতাতে মৃত্যু হয় আৰক্ষী জোৱানজনৰ ৷

ঘটনাটো সংঘটিত হোৱাৰ পিছত আৰক্ষীয়ে মৃতদেহটো উদ্ধাৰ কৰি শিলচৰ চিকিৎসা মহাবিদ্যালয়লৈ প্ৰেৰণ কৰে ৷ লগতে দুৰ্ঘটনা সংঘটিত কৰা বাহনখন জব্দ কৰে ৷ আৰক্ষী বিষয়াজনৰ মৃত্যুত স্বাভাৱিকতে শোকৰ ছাঁ পৰিছে অঞ্চলটোত ৷ দেওবাৰে শিলচৰ আৰক্ষী ছাউনীত মৃত জোৱানজনৰ প্ৰতি সামৰিক সম্মান প্ৰদৰ্শন কৰে বিভাগটোৰ বিভিন্নজনে ৷

লগতে চাওকঃ৫টা সোণৰ পদকেৰে খেলো ইণ্ডিয়াৰ পঞ্চম স্থানত মধ্য প্ৰদেশ