শিলচৰ,১০ মেঃ আৰক্ষীৰ জালত শিলচৰ মেডিকেল কলেজৰ প্ৰাক্তন অধীক্ষক ডাঃ অনিন্দসুন্দৰ বৈশ্য। প্ৰায় তিনি কোটি টকাৰ দুৰ্নীতিৰ অভিযোগত পূৰ্বে নিলম্বন হৈছিল অধীক্ষক ডাঃ অনিন্দসুন্দৰ বৈশ্য। পুনৰ সেই একেটা গোচৰতে বৃহস্পতিবাৰে নিশা অধীক্ষক জনক গ্ৰেপ্তাৰ কৰে আৰক্ষীয়ে। উক্ত গোচৰতে অভিযুক্ত বিদ্যুৎ বৰ্মন নামৰ লোকজন বৰ্তমানেও পলাতক অৱস্থাত থকাৰ বিপৰীতে জামিনত আছে আনজন অভিযুক্ত ডাঃ কল্লোল ভট্টাচাৰ্য।
শিলচৰ মেডিকেল কলেজৰ প্ৰাক্তন অধীক্ষকক গ্ৰেপ্তাৰ
যোৱা বহু বছৰ ধৰি খাদ্য সামগ্ৰী ক্ৰয় আৰু প্ৰদান তথা চিকিৎসালয়ৰ বিভিন্ন সামগ্ৰী আৰু যন্ত্ৰপাতি ক্ৰয়ৰ নামত কেইবা লক্ষাধিক টকাৰ আত্মসাৎ কৰাৰ অভিযোগ ব্যক্তি কেইজনৰ বিৰুদ্ধে। উল্লেখযোগ্য যে,ইয়াৰ পূৰ্বেও ঘটনা সন্দৰ্ভত পাপ্পু ৰবিদাস আৰু এ. তাঁতী নামৰ মেডিকেলখনৰ দুজন অস্থায়ী কৰ্মীক আটক কৰিছিল আৰক্ষীয়ে।
