শিলচৰ,29 মাৰ্চ: ৰাজ্যত ফাকুৱাৰ আনন্দ উলাহৰ মাজতে শিলচৰত সংঘটিত হৈছে এটাৰ পিছত আনটো পথ দুৰ্ঘটনা ৷ শিলচৰ মণিপুৰ সংযোগী ৰাষ্ট্ৰীয় ঘাইপথৰ মধুৰাপুলত পথদুৰ্ঘটনা সংঘটিত হোৱাৰ পাচতে একে ঠাইতে আন এটা ভয়ংকৰ পথ দুৰ্ঘটনা সংঘটিত হয় ৷ এখন তীব্ৰ বেগী এল্ট্ৰ’জ বাহনে পথৰ ডিভাইডাৰত খুন্দা মাৰাৰ ফলতে গুৰুতৰ ভাৱে আহত হয় বাহন খনত থকা দুই যুৱক।
স্থানীয় লোকৰ অভিযোগ দুই যুৱক সুৰামত্ত অৱস্থাত থকাৰ বাবে সংঘটিত হয় দুৰ্ঘটনাটো ৷ অতি সংকটজনক অৱস্থাত স্থানীয় লোকে যুৱক দুজনক শিলচৰ মেডিকেল কলেজলৈ প্ৰেৰণ কৰে ৷ আহত যুৱক দুজনৰ নাম অপূর্ব দাস আৰু অংকুশ পাল বুলি জানিব পৰা গৈছে ৷
লগতে পঢ়ক: সাপেখাতী সমীপৰ দিচাং নদীত প্ৰাণ হেৰুৱালে এজন কিশোৰে
