কাছাৰ, 1 ছেপ্তেম্বৰঃ কাছাৰ জিলাৰ ধলাই সমষ্টিৰ বড়জালেংগা ব্লকৰ অন্তৰ্গত বাগবাহাৰ গাঁও পঞ্চায়তৰ তিনি শতাধিক ৰাইজে এতিয়া যমৰ-যাতনা ভোগ কৰি জীয়াই থাকিবলগীয়া হৈছে ৷ বছৰ বছৰ ধৰি কোনো এখন চৰকাৰী উন্নয়নৰ আঁচনি ৰূপায়ণ হোৱা নাই উক্ত অঞ্চলটোত ।
ইফালে বাগবাহাৰ গাঁও পঞ্চায়তৰ অন্তৰ্গত কোনো এখন গাঁৱতে নাই বাট-পথ, খোৱা পানীৰ উপযুক্ত ব্যৱস্থা ৷ দীৰ্ঘদিন ধৰি তৰফৰ পৰা কোনো এটা সা-সুবিধা লাভ নকৰা বুলি গুৰুতৰ অভিযোগ কৰে স্থানীয় লোক সকলে । এনেদৰে দুৰ্বিহ জীৱন অতিবাহিত কৰিবলগীয়া হোৱাত ক্ষুব্ধ হৈ স্থানীয় বিধায়ক তথা বন আৰু পৰিৱেশ মন্ত্ৰী পৰিমল শুক্লবৈদ্যক কঠোৰ ভাষাৰে সমালোচনা কৰিছে স্থানীয় ৰাইজে । অতি শীঘ্ৰে যদি অঞ্চলটোত বাট পথকে আদি কৰি সকলো সা-সুবিধা কৰি নিদিয়ে তেনেহ'লে আগন্তুক নিৰ্বাচনত ইয়াৰ প্ৰত্যুত্তৰ দিব বুলি সকিয়াই দিয়ে ৰাইজে ৷
লগতে পঢ়ক- বজালী পঞ্চায়তত এয়া কি হৈ গ'ল ?
