শিলচৰ,20 জুলাইঃ মুখ্যমন্ত্ৰী সৰ্বানন্দ সোণোৱালৰ নিৰ্দেশমৰ্মে আজি শিলচৰ মেডিকেল কলেজ হাস্পতাল আৰু এছ এম দেৱ চিভিল হাস্পতালত উপস্থিত হয় ৰাজ্যিক স্বাস্থ্য মন্ত্ৰী পীযুষ হাজৰিকা ৷ দুয়োখন হাস্পতালত উপস্থিত হৈ মন্ত্ৰীগৰাকীয়ে সমগ্ৰ পৰিস্থিতিৰ বুজ লয় ৷
ইপিনে শিলচৰ মেডিকেল কলেজ হাস্পতালত প্লাজমা থেৰাপিৰ মেচিন অনাৰ কথা উল্লেখ কৰি মন্ত্ৰীগৰাকীয়ে অতি শীঘ্ৰে প্লাজমা থেৰাপি আৰম্ভ হ'ব বুলি সাংবাদিকক জানিবলৈ দিয়ে ৷ ইয়াৰ উপৰি মন্ত্ৰীগৰাকীয়ে উল্লেখ কৰে যে,শিলচৰ মেডিকেল কলেজ হাস্পতাল আৰু এছ এম দেৱ চিভিল হাস্পতালত বৰ্তমানে 3 হাজাৰ খন বিচনা আছে আৰু নতুনকৈ 2 খন ক'ভিড-19 কেয়াৰ চেণ্টাৰ নিৰ্মাণ কৰা হ'ব ৷ইফালে মন্ত্ৰী পীযুষ হাজৰিকাই শিলচৰ মেডিকেল কলেজ হাস্পতালৰ কৰ্তৃপক্ষৰ সৈতে এক গুৰুত্বপূৰ্ণ বৈঠকতো অংশগ্ৰহণ কৰে ৷
উল্লেখযোগ্য যে,শিলচৰ মেডিকেল কলেজ হাস্পতালত বৰ্তমানে 503 গৰাকী কৰ'ণাত আক্ৰান্ত ৰোগী চিকিৎসাধীন হৈ থকাৰ বিপৰীতে 5 জনকৈ লোকৰ মৃত্যু হৈছে ৷
