কাছাৰৰ মধুৰা নৈত উদ্ধাৰ অচিনাক্ত যুৱকৰ মৃতদেহ

বৰ্তমানলৈকে মৃতদেহটোৰ পৰিচয় লাভ কৰা নাই আৰক্ষীয়ে ৷ ঘটনাটো হত্যা নে আত্মহত্যা সেয়াও নিশ্চিত কৰিব পৰা নাই আৰক্ষীয়ে ৷

শিলচৰ, 25 জুন: কাছাৰৰ গোসাইপুৰ মধুৰা নৈত উদ্ধাৰ হয় এটা অচিনাক্ত যুৱকৰ মৃতদেহ ৷ সোমবাৰে দুপৰীয়া গোসাইপুৰ মধুৰা নৈত উদ্ধাৰ হোৱা মৃতদেহটো স্থানীয় ৰাইজে প্ৰত্যক্ষ কৰি খবৰ দিয়ে আৰক্ষীক ৷ ঘটনাস্থলীত আৰক্ষী উপস্থিত হৈ মৃতদেহটো নৈৰ পৰা উদ্ধাৰ কৰি মৰনোত্তৰ পৰীক্ষাৰ বাবে প্ৰেৰণ কৰে শিলচৰ মেডিকেল কলেজলৈ ৷ বৰ্তমানলৈকে মৃতদেহটোৰ পৰিচয় লাভ কৰা নাই আৰক্ষীয়ে ৷ ঘটনাটো হত্যা নে আত্মহত্যা সেয়াও নিশ্চিত কৰিব পৰা নাই আৰক্ষীয়ে ৷