কাছাৰ,4 মে': ৰাজ্যত এতিয়া সুৰক্ষিত নহয় যুৱতী-মহিলা ৷ প্ৰায় ধাৰাবাহিকভাৱে গণ ধৰ্ষণৰ বলি হৈ আহিছে ভিন্ন প্ৰান্তৰ মহিলা-যুৱতীসকলৰ লগতে নাবালিকাসকল ৷ মঙলবাৰে তেনেই এক জঘন্য ঘটনা সংঘটিত হয় ধলাইৰ কালাখালত ৷ অঞ্চলটোৰ ৰিয়াং সম্প্ৰদায়ৰ দুগৰাকী মহিলা গণ ধৰ্ষণৰ বলি হোৱা বুলি উত্থাপিত হৈছে এক অভিযোগ ৷ ইতিমধ্যে ঘটনা সন্দৰ্ভত ৰুজু কৰা হৈছে গোচৰ ৷ এই অভিযোগৰ ওপৰত ভিত্তি কৰি আটক কৰা হৈছে দুজন যুৱকক ৷
উল্লেখ্য যে, যোৱা সোমবাৰে দুপৰীয়া 1 বজাত কালাখাল ৰিয়াং পুঞ্জিৰ লুকাইখালত জুম খেতিত পাচলি আনিবলৈ গৈছিল দুগৰাকী ৰিয়াং সম্প্ৰদায়ৰ মহিলা । সেই সময়তে একেটা এলেকাৰে ৰবেন লস্কৰ আৰু গিয়াছউদ্দিন, সিৰু লস্কৰ আৰু ৰেকবুল হোসেন আচমকাই নামৰ লোককেইজনে এই ৰিয়াং মহিলা দুগৰাকীক ধৰ্ষণ কৰা বুলি উত্থাপিত হৈছে এক অভিযোগ ৷ মহিলা দুগৰাকীয়ে ইয়াৰ পিছতে চিঞৰ-বাখৰ কৰে ৷
স্থানীয় ৰাইজে ঘটনাস্থলীত উপস্থিত হৈ আটক কৰে দুজন যুৱকক ৷ আটকাধীন যুৱক দুজন ৰবেন লস্কৰ, গিয়াছউদ্দিন বুলি জানিব পৰা গৈছে ৷ বাকী দুগৰাকী পলাতক অৱস্থাত থকা লোকৰ সন্ধানত তদন্ত অব্যাহত ৰাখিছে আৰক্ষীয়ে ৷
অন্য এক খবৰৰ বাবে: কোন মুখ্যমন্ত্ৰী হোৱাতো বিচাৰে ৰণজিৎ দাসে...
