মানিকপুৰ, 26 জুলাই: গ্ৰীষ্মৰ বন্ধ(Summer vacation in Assam) শেষ হ’ল যদিও পাঠদান আৰম্ভ নহ’ল বঙাইগাঁৱৰ এখন মাদ্ৰাছাত ৷ ছাত্ৰ-ছাত্ৰীৰ পৰিৱৰ্তে মাদ্ৰাছাখনত আশ্ৰয় গ্ৰহণ কৰি আছে বানাক্ৰান্তই ৷ নৈৰ বুকুত ঘৰ-মাটি জাহ যোৱাত মাদ্ৰাছাখনেই একমাত্ৰ আশ্ৰয়স্থলী হৈ পৰাত শিক্ষাগ্ৰহণৰ পৰা বঞ্চিত হৈছে ছাত্ৰ-ছাত্ৰীসকল ৷
বঙাইগাঁৱৰ তিলপুখুৰী এম ই মাদ্ৰাছাত আশ্ৰয় গ্ৰহণ কৰি আছে ১০৭ টা পৰিয়ালে (Flood effected people sheltering at Madrasa in Bongaigaon)৷ ২৫ জুলাইত ৰাজ্যৰ মাদ্ৰাছা-বিদ্যালয়সমূহৰ গৰমৰ বন্ধ শেষ হোৱাত আজিৰে পৰা ছাত্ৰ-ছাত্ৰীক পাঠদান কৰিব লাগিছিল যদিও সেয়া সম্ভৱ হৈ নুঠিল । আই নৈৰ ভয়াবহ খহনীয়াত(Aie River erosion in Bangaigaon) নিজৰ ঘৰবাৰী হেৰুৱাই ২ নং বাশবাৰীৰ ১০৭ টা পৰিয়ালে আশ্ৰয় গ্ৰহণ কৰি আছে মাদ্ৰাছাখনত ।
ইফালে খহনীয়াত ক্ষতিগ্ৰস্ত লোকসকলৰ ঘৰ নিৰ্মাণৰ বাবেও নাই ভূমি । যাৰবাবে ভূমিহীন লোকসকলে আশ্ৰয়গ্ৰহণৰ বিকল্পও নাই ।
আজিৰে পৰা ৰাজ্যৰ বিদ্যালয়সমূহ খুলিছে যদিও তিলপুখুৰী এম ই মাদ্ৰাছাত(Flood relief camp Tilpukhuri ME Madrasa) পৰিয়ালসমূহ আশ্ৰয় গ্ৰহণ কৰি থকাৰ ফলত পাঠদান আৰম্ভ কৰিব পৰা নহ’ল । ফলত মুখ্যমন্ত্ৰী ড৹ হিমন্ত বিশ্ব শৰ্মাক হাতযোৰ কৰি খহনীয়াগ্ৰস্ত সকলক পুনৰ সংস্থাপনৰ ব্যৱস্থা কৰিবলৈ অনুৰোধ জনাইছে ৷
লগতে পঢ়ক: School amalgamation in Teok: বিদ্যালয় একত্ৰিকৰণৰ বিৰোধিতাৰে শিক্ষকৰ ৰূপত অভিভাৱক
