বঙাইগাঁও, 21 ডিচেম্বৰ : হঠাতে সক্ৰিয় হৈ পৰিছে বন বিভাগ ৷ বঙাইগাঁও জিলাৰ গোলাপাৰাত অবৈধ কাঠফলা মিলৰ লগতে চোৰাং কাঠৰ বেহাত শেনচকু পৰিছে বন বিভাগৰ । দীৰ্ঘদিন ধৰি জিলাখনৰ ঠায়ে ঠায়ে বন বিষয়া-কৰ্মচাৰীৰ চকুত ধূলি মাৰি চলি থকা চোৰাং কাঠ ব্যৱসায়ৰ লগতে অবৈধ কাঠফলা মিলৰ বেহাত চোকা দৃষ্টি পৰিছে বন বিভাগৰ ।
দেওবাৰে বঙাইগাঁও জিলাৰ আই ভেলী সংমণ্ডলে কোকিলা আৰক্ষীৰ সহযোগত চলোৱা যৌথ অভিযানত জব্দ কৰে কাঠফলা মিলৰ লগতে প্ৰায় ৩০ হাজাৰ টকা মূল্যৰ অবৈধ কাঠৰ কুণ্ডা (Illegal Saw mill seized) ৷
এই অভিযানত 32 টাকৈ মূল্যৱান কাঠৰ কুণ্ডা জব্দ কৰিবলৈ সক্ষম হয় অভিযানকাৰী দলটো ৷ অৱশ্যে ঘটনা সন্দৰ্ভত কোনো লোকক বৰ্তমানলৈকে আটক কৰিবলৈ সক্ষম হোৱা নাই । উল্লেখ্য যে, দীৰ্ঘদিন ধৰি উক্ত স্থানত অবৈধভাৱে মিলটো চলাই আছিল একাংশ চোৰাং কাঠ ব্যৱসায়ীয়ে ৷
লগতে পঢ়ক : Women trafficking case : প্ৰেমৰ জালত পেলাই বহিঃ ৰাজ্যত বিক্ৰী অসমীয়া কিশোৰীক
