বিশ্বনাথ, 17 জুন : বৃহস্পতিবাৰে গহপুৰত দুই চৰাই চিকাৰীক আটক কৰে গহপুৰ আৰক্ষীয়ে ৷ AR-01J-9030 নম্বৰৰ এখন বিলাসী বাহন লৈ চিকাৰৰ বাবে আহিছিল এই দুই চিকাৰী ৷ গহপুৰ আৰক্ষীয়ে সদৰি কৰা মতে দুই চিকাৰীৰ নাম ক্ৰমে অৰুণাচল প্ৰদেশৰ বিৰি লাংলিন আৰু গহপুৰ হালধীবাৰীৰ সংগ্ৰাম বসুমতাৰী ৷
গহপুৰ ৰঙাজানত দুই হাৰগিলা চিকাৰীক আটক
এই দুই চৰাই চিকাৰীয়ে হাৰগিলা চৰাই চিকাৰৰ বাবে আহিছিল ৷ দুই চিকাৰীৰ পৰা এটা এয়াৰ গান আৰু কেইবা জাঁই গুলী জব্দ কৰে গহপুৰ আৰক্ষীয়ে ৷ আৰক্ষীৰ নিয়মীয়া তহলৰ সময়তে ৰঙাজান অঞ্চলৰ পৰা আটক কৰা হয় দুই চিকাৰীক ৷ ইফালে এটা মৃত হাৰগিলা চৰায়ো উদ্ধাৰ কৰে গহপুৰ আৰক্ষীয়ে ৷
লগতে পঢ়ক: কমলপুৰ সমষ্টিত বিধায়কৰ বিৰুদ্ধে প্ৰেৰণ কৰিব পাৰিব অভিযোগ
