বিশ্বনাথ, 1 মাৰ্চ: বিশ্বনাথত এতিয়া চোৰৰ দপদপনি ৷ বিশ্বনাথত অব্যাহত আছে চোৰৰ তাণ্ডৱ ৷ এইবাৰ চোৰৰ শেন চকু পৰিল কোৰিয়াৰ এঞ্জেঞ্চিত ৷ চোৰে খিৰিকীৰ লোহাৰ গ্ৰীল ভাঙি লক্ষাধীক সা-সামগ্ৰী লৈ যোৱাৰ অভিযোগ ৷ কিছু দিন পূৰ্বে বিশ্বনাথ চহৰখনৰ পৰা এটা কুখ্যাত চোৰৰ দলে এখন ম’বাইল দোকানত সোমাই বহু ম’বাইল লুটপাত কৰি লৈ গৈছিল ।
সেই চোৰৰ দলটোক বিশ্বনাথৰ উপ আৰক্ষী অধীক্ষকৰ নেতৃত্বত আটক কৰি জেললৈ প্ৰেৰণ কৰা ঘটনাৰ বো- বা মাৰ নাযাওঁতেই পুনৰ বিশ্বনাথ চাৰিআলিৰ মাজমজিয়াত সংঘটিত হ’ল চুৰি কাৰ্য ৷
বিশ্বনাথ চাৰিআলি "ই কাৰ্ট" নামৰ কোৰিয়াৰ এঞ্জেঞ্চিটোত পুৱতি নিশা খিৰিকীৰ লোহাৰ গ্ৰীল ভাঙি লক্ষাধীক টকাৰ পাৰ্চেল চুৰি কৰি নিয়াৰ সন্দেহ প্ৰকাশ কৰিছে প্ৰতিষ্ঠাটোৱে । বৰ্তমান বিশ্বনাথ চাৰিআলিৰ আৰক্ষীয়ে প্ৰাথমিক তদন্ত অব্যাহত ৰাখিছে যদিও কোনো এটা চোৰক আটক কৰিবলৈ সক্ষম হোৱা নাই ।
লগতে চাওক-দিনটোৰ শীৰ্ষ দহটা খবৰ
