বিশ্বনাথ, ২৬ মাৰ্চ: ৰাজ্যৰ অব্যাহত আছে দল বাগৰাৰ ৰাজনীতি । নিৰ্বাচন চমু চাপি অহাৰ লগে লগে বিহালী সমষ্টিৰ কেইবাগৰাকী সদস্যই যোগদান কৰে চিপিআই (এম এল)ত । শুকুৰবাৰে বিহালী সমষ্টিৰ চিপিআই(এম এল)ৰ কুঁহিয়াৰবাৰী কাৰ্যালয়ত 'জয়ন্ত বৰা ফেন ক্লাব'ৰ কেইবাগৰাকী সদস্যই আনুষ্ঠানিকভাৱে চিপিআই (এম এল)ত যোগদান কৰে ।
৭৭ নং বিহালী বিধান সভা সমষ্টিৰ নিৰ্দলীয় প্ৰাৰ্থী জয়ন্ত বৰাৰ কেইবাগৰাকীয়ো সমৰ্থকে চিপিআই (এম এল) আৰু কংগ্ৰেছৰ দলৰ বিহালী সমষ্টিৰ মিত্ৰজোঁটৰ প্ৰাৰ্থী বিবেক দাসৰ উপস্থিতিত যোগদান কৰে । ইফালে নিৰ্বাচনলৈ মাত্ৰ এটা দিন বাকী থকাৰ সময়তে নিৰ্দলীয় প্ৰাৰ্থীগৰাকীৰ ওচৰৰ পৰা এইদৰে ভোটাৰসকল দৈনিক আঁতৰি যোৱাত চিন্তাত পৰিছে জয়ন্ত বৰা ।
