পকী খুটাৰ বাবে ধন দাবীৰ অভিযোগ শক্তি বিভাগৰ বিৰুদ্ধে

ভগা কাঠৰ খুটাত ১১ হাজাৰ ভল্টেজৰ বিদ্যুতৰ তাঁৰ বান্ধি সৰ্বসাধাৰণক মৃত্যুৰ সৈতে খেলিবলৈ এৰি দিছে শক্তি বিভাগে ৷

বিশ্বনাথ,28আগষ্টঃ বিশ্বনাথৰ বহু অঞ্চলত কাঠৰ খুঁটাত বিদ্যুতৰ তাঁৰ সংযোগৰ কাৰ্যই শংকিত কৰি তুলিছে স্থানীয় ৰাইজক ৷ বিশ্বনাথৰ বিদ্যুত উপ সংমণ্ডলৰ অধীনৰ কুৱঁৰী গাঁও পঞ্চায়তৰ ১০ নং ৱাৰ্ডত থকা ১১ হাজাৰ ভল্টেজৰ বিদ্যুতৰ তাঁৰ কাঠৰ ভঙা খুঁটাত সংযোগ হৈ থকাত হচকিত হৈছে ৰাইজ ৷ কিছু দিনৰ পূৰ্বে বিশ্বনাথত বিদ্যুতৰ খুটাত লাগি এজন ব্যক্তিৰ মৃত্যু হোৱাৰ পাছতো এই সন্দৰ্ভত চৰম অৱহেলাৰ অভিযোগ উঠিছে শক্তি বিভাগৰ বিৰুদ্ধে ৷ লক্ষ্যণীয় যে, কাঠৰ খুঁটাৰ পৰিৱৰ্তে বিকল্প হিচাপে পকী খুটাৰ নামত বিভাগটোৱে ধন দাবী কৰা বুলিও অভিযোগ উত্থাপন কৰিছে ৰাইজে ৷