বৰপেটা,২২ এপ্ৰিল: বৰপেটাৰ হাউলীত বৃহস্পতিবাৰে সংঘটিত হয় এক ভয়ংকৰ পথ দুৰ্ঘটনা । হাউলীৰ ৩১ নং ৰাষ্ট্ৰীয় ঘাইপথৰ জাকৈ ধাবাৰ সমীপত মাৰুতি আৰু ই-ৰিক্সাৰ মাজত হোৱা মুখামুখি সংঘৰ্ষৰ ফলত এই দুৰ্ঘটনাটো সংঘটিত হয় । দুৰ্ঘটনাত এগৰাকী মহিলা থিতাতে নিহত হোৱাৰ বিপৰীতে আন দুগৰাকী লোক গুৰুতৰভাৱে আহত হয় ।
নিহত মহিলাগৰাকী হাউলী চহৰৰ চাৰি নং ৱাৰ্ডৰ আয়েছা খাতুন (60) । আনহাতে, গুৰুতৰভাৱে আহত হোৱা লোক দুগৰাকী ক্ৰমে হাউলীৰ জুলহাছ আলী (35) আৰু জোলবাহাৰ খাতুন (48) বুলি জানিব পৰা গৈছে ।
গুৰুতৰভাৱে আহত হোৱা লোক দুজনক সংকটজনক অৱস্থাত হাউলী আৰক্ষীয়ে বৰপেটা মেডিকেল কলেজ হাস্পতাললৈ প্ৰেৰণ কৰে । লগতে নিহত মহিলাগৰাকীৰ মৃতদেহটো উদ্ধাৰ কৰি আৰক্ষীয়ে মৰণোত্তৰ পৰীক্ষাৰ বাবে প্ৰেৰণ কৰিছে ৷
লগতে পঢ়ক: চৰাইদেউত তিনি আলফাৰ আত্মসমৰ্পণ
