পাঠশালা,31অক্টোবৰঃ শনিবাৰে পুৱতি নিশা পাঠশালাত সংঘটিত হয় ভয়ংকৰ অগ্নিকাণ্ড ৷ পাঠশালাৰ চৌখুটীস্থিত কানাড়া বেংকত সংঘটিত এই অগ্নিকাণ্ডত জাহ যায় বেংকৰ সামগ্ৰী সহ সকলো নথিপত্ৰ ৷ জানিব পৰা মতে, স্থানীয় ৰাইজে প্ৰাতঃভ্ৰমণ কৰিবলৈ আহোঁতেই বেংকটোত জুই প্ৰত্যক্ষ কৰে ৷ এই সন্দৰ্ভত আৰক্ষী আৰু অগ্নিনিৰ্বাপক বাহিনীক খবৰ দিয়ে ৰাইজে ৷ ঘটনাস্থলীত অগ্নি নিৰ্বাপক বাহিনীৰ দল উপস্থিত হৈ বেংকৰ জুই নুমুৱাবলৈ সক্ষম হয় ৷ বৈদ্যুতিক শ্বৰ্ট চাৰ্কিটৰ ফলতে এই ঘটনা সংঘটিত হোৱা বুলি সন্দেহ প্ৰকাশ কৰিছে স্থানীয় ৰাইজে ৷
পাঠশালাৰ কানাড়া বেংকত ভয়ংকৰ অগ্নিকাণ্ড
ঘটনা সন্দৰ্ভত আৰক্ষীয়ে বৰ্তমানেও তদন্ত অব্যাহত ৰাখিছে ৷ ইপিনে প্ৰথম অৱস্থাত বেংকৰ লকাৰত থকা নগত ধন জ্বলি যোৱা বুলি সন্দেহ প্ৰকাশ কৰা হৈছিল যদিও বেংক কৰ্তৃপক্ষই লকাৰত নগদ ধন সুৰক্ষিত হৈ আছে বুলি জানিবলৈ দিয়ে ৷
লগতে পঢ়কঃ তুৰ্কীৰ ভূমিকম্পই প্ৰাণ ল’লে 22 গৰাকীৰ
