জনীয়া,14 জানুৱাৰীঃ পুনৰ ওলাই পৰিল শিক্ষা বিভাগৰ ফোঁপোলা স্বৰূপ ৷ বৰপেটা জিলাৰ মন্দিয়া শিক্ষা খণ্ডত শিক্ষকৰ মইমতালি ৷ বিদ্যালয়ত উপস্থিত নথকাকৈয়ে আদায় কৰি আছে মাহিলি দৰমহা ৷ এই ঘটনা বৰপেটা জিলাৰ মন্দিয়া শিক্ষা খণ্ডৰ অন্তৰ্গত কালামপুৰ চৰ বালিকা প্ৰাথমিক বিদ্যালয়ত ৷ বিদ্যালয়খনত আব্দুল আজিজ আৰু হাকিম উদ্দিন নামৰ দুগৰাকী শিক্ষক থকা সত্বেও উপস্থিত নাথাকে বিদ্যালয়ত ৷
বৰপেটাৰ এখন বিদ্যালয়ত শিক্ষকৰ মইমতালি
বিদ্যালয়ত শিক্ষক দুগৰাকীৰ অনিয়মীয়া উপস্থিতিয়ে বিনষ্ট কৰিছে বিদ্যালয়ৰ শৈক্ষিক বাতাৱৰণ ৷ আনহাতে দুয়োগৰাকী শিক্ষকৰে বিদ্যালয়ত উপস্থিত হোৱাৰ নাই নিৰ্দিষ্ট সময় ৷ মধ্যাহ্ন ভোজনৰ পৰাও বঞ্চিত বিদ্যালয়ৰ ছাত্ৰ-ছাত্ৰী ৷ স্থানীয় ৰাইজ তথা অভিভাৱকসকলে ক্ষোভ উজাৰিছে বিদ্যালয়খনৰ এই শিক্ষক দুগৰাকীৰ বিৰুদ্ধে ৷ বিভাগীয় কৰ্তৃপক্ষক অতি শীঘ্ৰেই বিহিত ব্যৱস্থা গ্ৰহণ কৰিবলৈ দাবী উত্থাপন কৰে স্থানীয় ৰাইজে ৷
