বজালীত ছহিদ প্ৰণয় কলিতাৰ নামেৰে পথ মুকলি

মুখ্যমন্ত্ৰীয়ে ঘোষণা কৰা অনুসৰি বজালীত ছহিদ প্ৰণয় কলিতাৰ নামত ১ কোটি ৬৫ লাখ টকা ব্যয় সাপেক্ষে নিৰ্মাণ হৈ আছে 1400 মিটাৰ পথ l মঙলবাৰে জিলা উপায়ুক্ত মুনিন্দ্ৰ নাথ শৰ্মাই আনুষ্ঠানিক ভাৱে মুকলি কৰে এই বিশেষ পথটো l

পাঠশালা,10 আগষ্টঃ মণিপুৰত উগ্ৰপন্থীৰ হাতত মৃত্যু হোৱা ছহিদ প্ৰণয় কলিতাৰ আদ্যশ্ৰাদ্ধৰ দিনাখন ছহিদ গৰাকীক শ্ৰদ্ধাঞ্জলি জনাই ছহিদ গৰাকীৰ নামত তেওঁৰ ঘৰলৈ যোৱা পথটো তেওঁৰ নামেৰে আনুষ্ঠানিক ভাৱে মুকলি কৰা হয় ৷

১ কোটি ৬৫ লাখ টকা ব্যয় সাপেক্ষে নিৰ্মাণ হ'বলগীয়া 1400 মিটাৰ দৈৰ্ঘৰ পথছোৱাৰ ইতিমধ্যে নিৰ্মাণ কাৰ্য চলি আছে l ইয়াৰ পিছতে মঙলবাৰে স্থানীয় ৰাইজৰ সান্নিধ্যত ৰাষ্ট্ৰীয় ঘাইপথৰ দাঁতিত এখন শোকসভা আয়োজন কৰা হয় য'ত ছহিদৰ ভাতৃ গৰাকীক সম্বৰ্ধনা জ্ঞাপন কৰা হয় l

উল্লেখযোগ্য যে, মঙলবাৰৰ দিনটোতে ছহিদ গৰাকীৰ ঘৰত তেওঁৰ এটা আৱক্ষ মূৰ্ত্তিও আনুষ্ঠনিক ভাৱে উন্মোচন কৰিব বিজেপিৰ ৰাজ্যিক সভাপতি ৰণজিৎ কুমাৰ দাসে l
লগতে পঢ়কঃমৃত পত্নীক ব্যতিক্ৰম ধৰণে জীৱন্ত কৰিলে স্বামীয়ে