কলগাছিয়াৰ বিদ্যালয়ত চুৰিকাণ্ড

তলা ভাঙি চোৰে লুটি লৈ গ'ল কম্পিউটাৰ বেটাৰীসহ বহুতো সামগ্ৰী

কলগাছিয়া, 9 মে': কলগাছিয়াৰ বিদ্যালয়ত সোমাল চোৰ ৷ নিশা কলগাছিয়াৰ গুনিয়ালগুৰি উচ্চতৰ মাধ্যমিক বিদ্যালয়ত চোৰে প্ৰৱেশ কৰি লুটি লৈ গ'ল কম্পিউটাৰ,বেটাৰীসহ ভালেমান সামগ্ৰী ৷

বিদ্যালয়খনত নিশা চকীদাৰ নথকা হেতুকে সুবিধা বুজি কম্পিউটাৰ লেৱৰ পৰা চোৰে লৈ যায় 8 টা মনিটৰ, 8 খন কী-বৰ্ডৰ লগতে 6 টাকৈ বেটাৰী ৷ ৰাতিপুৱা বিদ্যলয়খনৰ কৰ্মচাৰী উপস্থিত হোৱাৰ পাচতহে পোহৰলৈ আহে সমগ্ৰ ঘটনা ৷ ঘটনা সন্দৰ্ভত ইতিমধ্যে কলগাছিয়া আৰক্ষী থানাত এজাহাৰ দাখিল কৰিছে বিদ্যালয়খনৰ কৰ্তৃপক্ষই ৷