জনীয়া,৯ জুলাই : মধাহ্ন ভোজনৰ আঁচনিৰ নামত একাংশ চৰকাৰী বিদ্যালয়ৰ প্ৰধান শিক্ষক আৰু পৰিচালনা সমিতিয়ে ব্যাপক কেলেংকাৰী সংঘটিত কৰাৰ অভিযোগ উত্থাপন হৈ আহিছে । এইবাৰ এই অভিযোগ উঠিছে বৰপেটা ৰূপসী শিক্ষাখণ্ডৰ অন্তৰ্গত কলগাছিয়াৰ ১৭৯০ নং চৰ দিগজানী প্ৰাথমিক বিদ্যালয়ৰ প্ৰধান শিক্ষকৰ বিৰুদ্ধে ৷ অভিযোগ আনিছে বিদ্যালয় পৰিচালনা সমিতিৰ পুৰণি সদস্য আৰু ছাত্ৰ-ছাত্ৰীসকলে ।
বিদ্যালয়খনৰ প্ৰধান শিক্ষক ছাইফুল ইছলাম আৰু পৰিচালনা সমিতিৰ সভাপতি ছুবৰ আলীৰ বিৰুদ্ধে মধ্যাহ্ন ভোজনৰ আহাৰ বিতৰণৰ নামত দুৰ্নীতি সংঘটিত হোৱাৰ অভিযোগ উত্থাপিত হৈছে । আনকি ২০২১ চনত বঞ্চিত ৪৫ গৰাকী ছাত্ৰ-ছাত্ৰীৰ মধ্যাহ্ন ভোজনৰ আহাৰ বিতৰণ নকৰাক কেন্দ্ৰ কৰি উত্তপ্ত পৰিস্থিতিৰো সৃষ্টি হয় । ছাত্ৰ-ছাত্ৰীৰ অভিযোগ অনুসৰি পৰিচালনা সমিতিৰ সভাপতি আৰু প্ৰধান শিক্ষক ছাইফুল ইছলামে মধ্যাহ্ন ভোজনৰ সামগ্ৰী আত্মাসাৎ কৰিবলৈ অভিসন্ধি ৰচনা কৰিছে ।
লগতে পঢ়ক :উৎকোচ লৈ গ্ৰেপ্তাৰ হ’ল জোখ-মাখ বিভাগৰ নিয়ন্ত্ৰক শচীন্দ্ৰ নাথ বৈশ্য
