পাঠশালা, 14 নৱেম্বৰ : ইটিভি ভাৰত অসমৰ বাতৰিৰ প্ৰভাৱ ৷ বিগত 18 আগষ্টত পাঠশালাৰ জালিখাটাৰ কলিবাৰী থানত থকা এছিয়াৰ দ্বিতীয় সৰ্ববৃহৎ বটগছজোপা ভেঁকুৰৰ দ্বাৰা আক্ৰান্ত হোৱা বাতৰি প্ৰচাৰ হৈছিল সবিস্তাৰে l এই খবৰ লাভ কৰি দিল্লীত ললিত কলাৰ শিক্ষকতা কৰা নগাঁৱৰ এগৰাকী অসমীয়া লোক পাঠশালালৈ আহে গছ জোপাৰ চিকিৎসা কৰিবলৈ l যি সময়ত চৰকাৰক গছজোপাৰ চিকিৎসা কৰিবলৈ আহ্বান জনোৱা হৈছিল তেনে ক্ষণত বিজয় ভূঞা নামৰ লোকজন আহিছে মাথো গছজোপা সংৰক্ষণৰ বাবে ৷
বিশাল গছজোপাৰ চাৰিওফালে পৰি থকা শুকান পাতবোৰ আঁতৰাই পৰিস্কাৰ কৰি গছডালৰ গুৰিত পোত গৈ থকা বালিবোৰ আঁতৰাই এতিয়া ঔষধ প্ৰয়োগ কৰি গছজোপা দীৰ্ঘায়ু কৰাৰ প্ৰয়াস কৰিছে বিশেষজ্ঞ লোকগৰাকীয়ে ৷ নিসন্দেহে এজোপা বৃক্ষৰ বাবে এজন লোকৰ এনে প্ৰেম আৰু লোকজনৰ এনে কৰ্মস্পৃহা অতিকৈ প্ৰসংশনীয় ৷
লগতে পঢ়ক : নিচিহ্ন হোৱাৰ দিশে এচিয়াৰ দ্বিতীয় বৃহৎ বৃক্ষজোপা
