বজালীত ৰাইজৰ দৃষ্টি কাঢ়িছে এখন বিশেষ চাৰিচকীয়া বাহনে

অভাৱেই আৱিষ্কাৰৰ মূল-এই কথা আখৰে আখৰে সত্য প্ৰমাণিত কৰি দেখুৱাইছে বজালীৰ শৈলেন কলিতাই । বজালী জিলাৰ সীমান্তৱৰ্তী গাঁও কাৱৈমাৰীৰ এই গৰাকী ব্যক্তিয়ে প্ৰায় তিনিমাহ ধৰি কৰা এক প্ৰচেষ্টাৰ অন্তত নিৰ্মাণ কৰি উলিয়ালে এখন বিশেষ চাৰিচকীয়া বাহন ৷

বজালী,12 মে’: বজালী জিলাৰ সীমান্তৱৰ্তী কাৱৈমাৰি গাঁৱৰ শৈলেন কাকতি পেছাত এজন দোকানী ৷ নিজৰ দোকানৰ সামগ্ৰী অনাৰ বাবে পূৰ্বতে বহু সমস্যাৰ সম্মুখীন হৈছিল তেওঁ পিছত, ঘৰতে পেলনীয়া সামগ্ৰী ব্যৱহাৰৰ যোগ্য যেনে চাইকেলৰ পুৰণা টায়াৰ , লাইট , বেটাৰী আদি লগাই চার্জিঙ মাল টনা বাহন এখন প্ৰস্তুত কৰি উলিয়াই ।

বাহনখন সম্পূৰ্ণ কৰাৰ নামত প্ৰায় ৭৫ হাজাৰ টকাৰ ব্যয় হয় কাকতিৰ। বাহন খনৰ ক্ষেত্ৰত এতিয়াও বহু কাম বাকী আছে যদিও, ৰাজপথত চলাবলৈ সক্ষম হৈছে শৈলেন কাকতিয়ে । বাহন খনৰ ওজন কাঢ়িয়াব পৰা ক্ষমতা প্ৰায় ৩০০ কেজিৰ ওপৰত । শৈলেন কাকতিৰ এনেকুৱা কাৰ্য্যত গাঁওবাসী গৌৰৱান্বিত হোৱাৰ লগতে ভূয়সী প্ৰশংসা কৰিছে অঞ্চলটোৰ ৰাইজে।

লগতে পঢ়ক :জেএচবি অসামৰিক চিকিৎসালয়ত ক’ভিড যোদ্ধাৰ বাবে নাই চৰকাৰী আৱাসৰ ব্যৱস্থা