বৰপেটা, ৩ এপ্ৰিলঃ ভূমিধৰ বৰ্মনৰ লগতে কংগ্ৰেছৰ ৪ জন বিধায়কক লগত লৈ হেজাৰোধিক সমৰ্থকসহ বুধবাৰেবৰপেটাত মনোনয়ন পত্ৰ দাখিল কৰিলে বৰপেটা সমষ্টিৰ কংগ্ৰেছ প্ৰাৰ্থী আব্দুল খালেকে ৷ জ্যেষ্ঠ কংগ্ৰেছ নেতা ভূমিধৰ বৰ্মন, বিধায়ক শুকুৰ আলী আহমেদ, জাকিৰ হুছেইন শিকদাৰ, শ্বেৰমান আলী আহমেদ, আব্দুল হাই নাগৰীৰ সৈতে বৰপেটা জিলা উপায়ুক্ত কাৰ্যালয়ত মনোনয়ন দাখিল কৰে ৷ উত্তৰ বৰপেটাৰ পৰা হেজাৰোধিক কংগ্ৰেছ সমৰ্থকৰ সৈতে সমদল কৰি আহি মনোনয়ন দাখিল কৰে আব্দুল খালেকে ৷ বৰপেটা সমষ্টিত কংগ্ৰেছ প্ৰাৰ্থীগৰাকী জয়ী হ’ব বুলি মন্তব্য কৰে ভূমিধৰ বৰ্মন ৷ আনহাতে ৰাইজৰ উৎসাহ আৰু সমৰ্থন দেখি বিজয় নিশ্চিত বুলি দাবী কৰে কংগ্ৰেছ প্ৰাৰ্থী আব্দুল খালেকে ৷
কংগ্ৰেছ প্ৰাৰ্থী আব্দুল খালেকৰ মনোনয়ন দাখিল
