জনীয়া, 19 এপ্ৰিল: সকলো ৰাজহুৱা ধৰ্মীয় স্থানৰ পৰা লাউড স্পীকাৰ আঁতৰোৱাৰ বাবে মহাৰাষ্ট্ৰৰ নৱ নিৰ্মাণ সেনাই ৰাজ্যচৰকৰাৰ সময়সীমা নিৰ্ধাৰণ কৰি দিছে (Removal of loudspeakers from mosques) ৷ এই সন্দৰ্ভত দেশজুৰি সৃষ্টি হৈছে প্ৰতিক্ৰিয়াৰ ৷ এই আহ্বানৰ বিৰুদ্ধে মন্তব্য প্ৰকাশ কৰিছে আমছুৰ উপ-সভাপতি ইউনুছ আলীয়েও ৷
মহাৰাষ্ট্ৰ নৱনিৰ্মাণ সেনাৰ(Maharashtra Navnirman Sena) মুৰব্বী ৰাজ থাকৰেয়ে মছজিদৰ পৰা লাউড স্পীকাৰ আঁতৰাবলৈ সময়সীমা বান্ধি দিছে । এই মন্তব্যৰ বিপৰীতে আমছুৰ উপ-সভাপতি ইউনুছ আলীয়ে প্ৰতিক্ৰিয়া প্ৰকাশ কৰি কয় যে এয়া ধৰ্মীয় অনুভূতিক আঘাত কৰাৰ সিদ্ধান্ত । এটা ধৰ্মৰ কৰ্মৰাজি আঁতৰাই নিজ ধৰ্ম বাহাল ৰখাটো ধর্ম নিৰপেক্ষতাৰ আওতাত নপৰে বুলি মন্তব্য কৰে সদৌ অসম সংখ্যালঘু ছাত্ৰ ইউনিয়নৰ উপ-সভাপতিগৰাকীয়ে ।
আমছুৰ ফালৰ পৰা মহাৰাষ্ট্ৰ চৰকাৰৰ এই হঠকাৰী সিদ্ধান্তক তীব্ৰ বিৰোধিতা কৰাৰ লগতে এয়া কেতিয়াও সম্ভৱ নহয় বুলি মন্তব্য কৰিছে সংখ্যালঘূ নেতাগৰাকীয়ে (AAMSU reacts on decision to ban loudspeaker at Mosque)৷ ধৰ্ম নিৰপেক্ষ ৰাষ্ট্ৰৰ চৰিত্ৰ এনেকুৱা ধৰণৰ হঠকাৰী হ’ব নোৱাৰে বুলি মন্তব্য কৰে ইউনুছ আলীয়ে । কোনেও যাতে কাৰো ধৰ্মীয় অনুভূতিক আঘাত কৰিব নোৱাৰে তাৰ বাবে আমছু উপ-সভাপতিগৰাকীয়ে উচ্চতম ন্যায়ালয়ৰ হস্তক্ষেপ বিচাৰিছে ৷
লগতে পঢ়ক: Eviction Drive in Hojai : হোজাইত প্ৰশাসনৰ উচ্ছেদে প্ৰাণ কাঢ়িলে এগৰাকী ব্যক্তিৰ
