বাক্সা, 9 নৱেম্বৰঃ বছৰ বছৰ ধৰি বিশুদ্ধ খোৱাপানীৰ সমস্যাই জুৰুলা কৰিছে বাক্সাৰ ভাৰত ভূটান সীমান্তৰ বৃহত্তৰ বগাজুলীৰ অন্ঠাইবাৰী গাঁৱৰ ৰাইজক ৷ বহু বছৰ ধৰি ভূটান পাহাৰৰ পৰা বৈ অহা লেতেৰা পানী ব্যৱহাৰ কৰিয়ে দুৰ্বিসহ জীৱন কটাইছে এই গাঁওবাসীয়ে ৷ ইয়াৰ ফলত ইতিমধ্যে বহু লোক আক্ৰান্ত হৈছে বিভিন্ন অচিন ৰোগত । স্থানীয় জন প্ৰতিনিধি সকলক গাঁও খনৰ খোৱাপানীৰ সমস্যাৰ বিষয়ে বহুবাৰ অৱগত কৰোৱা হৈছিল যদিও কোনো ধৰণৰ সহাঁৰি নোপোৱা বুলি অভিযোগ উত্থাপন কৰে স্থানীয় লোকসকলে ৷
এটুপি বিশুদ্ধ খোৱাপানীৰ বাবে হাহাকাৰ বাক্সাৰ অন্ঠাইবাৰীবাসীৰ
ৰাজ্যত চৰকাৰ পৰিৱৰ্তনেও সলনি কৰিব পৰা নাই এই গাঁৱৰ দীৰ্ঘদিনিয়া সমস্যাৰ ৷ শতাধিক লোকে বসবাস কৰা এই গাঁওখনত আজিপৰ্যন্ত চৰকাৰৰ পানী যোগান আঁচনিয়ে ঢুকি নোপোৱাটো দুৰ্ভাগ্যজনক বুলি মন্তব্য কৰে একাংশই ৷ চৰকাৰ আৰু স্থানীয় জন প্ৰতিনিধিৰ বিৰুদ্ধে ক্ষোভ উজাৰে ভুক্তভোগী ৰাইজে ৷
