বাক্সাৰ মধুপুৰ মইনাগুৰীৰ ৰাইজ জল সংকটত

প্ৰায় ১২ বছৰ ধৰি বাৰিষা সময়চোৱাত গাঁওখনৰ মাজত থকা ২৭ নং এছ এছ বি বাহিনীয়ে যোগান ধৰা পানীৰ ভৰষাতে পিয়াহ নিবাৰণ কৰি আহিছে ৰাইজে । কাৰণ ১২টা বছৰৰ পূৰ্বেই বনৰীয়া হাতীয়ে চৰকাৰৰ পানী যোগান আচঁনিটো ভাঙি লণ্ড ভণ্ড কৰিছিল।

বাক্সা,24 জুনঃ বাক্সা জিলাৰ চাপাগুৰীৰ বিধানসভা সমষ্টিৰ অন্তৰ্গত ভাৰত ভূটান সীমান্তৰ বিটিচিৰ ২৩ নং দিহিৰা পৰিষদীয় সমষ্টিৰ মধুপুৰৰ মইনাগুৰী গাঁৱৰ বিভিন্ন ভাষা ভাষীৰ সাতশটা পৰিয়াল আজি জল সংকটত । নাই কোনো ধৰণৰ যাতায়তৰ সুব্যৱস্থা, একপ্ৰকাৰ শূণ্য শতাংশ উন্নয়ন । স্থানীয় লোকসকলে জানিবলৈ দিয়া অনুসৰি প্ৰায় ১২ বছৰ ধৰি বাৰিষা সময়চোৱাত গাঁওখনৰ মাজত থকা ২৭ নং এছ এছ বি বাহিনীয়ে যোগান ধৰা পানীৰ ভৰষাতে পিয়াহ নিবাৰণ কৰি আহিছে ৰাইজে । কাৰণ ১২টা বছৰৰ পূৰ্বেই বনৰীয়া হাতীয়ে চৰকাৰৰ পানী যোগান আঁচনিটো ভাঙি লণ্ড ভণ্ড কৰিছিল। তাৰ পিছৰে পৰা ৰাইজে বিশুদ্ধ খোৱা পানীৰ পৰা বঞ্চিত হৈ আছে । এই ক্ষেত্ৰত বহুবাৰ বিভাগীয় কৰ্তৃপক্ষক জনোৱা হৈছিল যদিও আজিলৈকে কোনো ধৰণৰ ব্যৱস্থা গ্ৰহণ নকৰিলে বুলি স্থানীয় লোকসকলে অভিযোগ কৰে ।

ইফালে স্থানীয় লোকসকলে সংবাদ মাধ্যমৰ আগত ৰাজ্য চৰকাৰক মধুপুৰ মইনাগুৰীৰ সাতশটা পৰিয়ালক বিশুদ্ধ খোৱাপানী আৰু যাতায়ত উপযোগী পথৰ ব্যৱস্থা কৰি দিবলৈ আহ্বান জনায় ।লগতে চাওকঃ সেনাই সম্পূৰ্ণ কৰিলে বাঘজান তৈলখাদলৈ যোৱা দলং নিৰ্মাণৰ কাম