যৌতুক বিচাৰি পত্নীক নিৰ্যাতন

যৌতুকৰ বাবে পত্নীক স্বামীয়ে শাৰীৰিক আৰু মানসিক নিৰ্যাতন চলোৱা ঘটনা সংঘটিত হৈছে বাক্সাৰ হাউলীত

বৰপেটা, 4 আগষ্ট : যৌতুকৰ বাবে পত্নীক স্বামীয়ে শাৰীৰিক আৰু মানসিক নিৰ্যাতন চলোৱা ঘটনা সংঘটিত হৈছে বাক্সাৰ হাউলীত ৷ বাক্সাৰ হাউলীৰ হেলনাৰপামৰ জাহিদুল আলী আহমেদে নামৰ লোকজনে চাৰি মাহ পূৰ্বে বিয়া কৰাই আনিছিল ভেল্লাৰ ছুমি বেগম নামৰ মহিলা গৰাকীক ৷ কিন্তু বিয়াৰ এমাহ পাছৰে পৰাই স্বামী জাহিদুলে পত্নী ছুমি বেগমক যৌতুক বিচাৰি শাৰীৰিক মানসিক ভাৱে নিৰ্যাতন চলাই আহিছিল ৷ দেওবাৰে স্বামী আৰু স্বামীৰ পৰিয়ালে মিলি পত্নী ছুমি বেগমক অনাহাৰে ঘৰৰ ভিতৰত আৱদ্ধ কৰি বাহিৰৰ পৰা তলা মাৰি থোৱা অৱস্থাত শিমলাগুৰী আৰক্ষীয়ে উদ্ধাৰ কৰে ৷ লম্পট স্বামী জাহিদুল আলীয়ে ছুমিৰ পিতৃ গৃহৰ পৰা তিনি লাখ টকা যৌতুক বিচাৰি দীৰ্ঘদিন ধৰি শাৰীৰিক আৰু মানসিক নিৰ্যাতন চলোৱা বুলি অভিযোগ তুলি আৰক্ষী থানাত স্বামীৰ বিৰুদ্ধে এজাহাৰ দাখিল কৰে নিৰ্যাতিত মহিলাগৰাকীয়ে ৷ উক্ত অভিযোগৰ ভিত্তিত শিমলাগুৰী আৰক্ষীয়ে আটক কৰিছে লম্পট স্বামী জাহিদুল আলীক ৷