বাক্সা, 29 জানুৱাৰী : গোৰেশ্বৰৰ বিতৰ্কিত আক্ৰাছু নেতা শংকৰ ৰাজবংশীক আটক কৰিলে আৰক্ষীয়ে ৷ এগৰাকী যুৱতীৰ অভিযোগৰ ভিত্তিত গোৰেশ্বৰ আৰক্ষীয়ে শনিবাৰে পুৱতি নিশা এই বিতৰ্কিত নেতাজনক আটক কৰে আৰক্ষীয়ে (AKRSU Leader arrested for harassing girl) ৷
ঘটনা অনুসৰি, আক্ৰাছু নেতাগৰাকীয়ে বিগত কিছুদিন আগতে এগৰাকী যুৱতীক প্ৰেমৰ প্ৰস্তাৱ দিয়ে ৷ পিছে এই প্ৰস্তাৱ গ্ৰহণ নকৰাৰ হেতু দীৰ্ঘদিন ধৰি যুৱতীগৰাকীক আক্ৰাছু নেতাগৰাকীয়ে মানসিক নিৰ্যাতন চলাই আহিছিল ৷ ইয়াৰ বাহিৰেও যুৱতীগৰাকীক সৈমান কৰাবলৈ বিভিন্ন প্ৰকাৰে ব্লেকমেইলিং কৰাৰ আভিযোগ এই বিৰ্তকিত নেতাজনৰ বিৰুদ্ধে ।
উল্লেখ্য যে, বিগত কিছুদিন পূৰ্বে গোৰেশ্বৰৰ যুৱতীগৰাকীয়ে এক ফেচবুক লাইভযোগে উদঙাইছিল বিতৰ্কিত ছাত্ৰ নেতা শংকৰ ৰাজবংশীৰ স্বৰূপ । লগতে অতিমাত্ৰা মানসিক অত্যাচাৰ সহিব নোৱাৰি আত্মহননৰো কথা উল্লেখ কৰিছিল যুৱতীগৰাকীয়ে ৷ ইয়াৰ পাছতো ছাত্ৰ নেতা শংকৰ ৰাজবংশীৰ দ্বাৰা মানসিক অত্যাচাৰ সহিব নোৱাৰি যুৱতীগৰাকীয়ে অৱশেষত উপায়ন্তৰ হৈ গোৰেশ্বৰ থানাত নেতাগৰাকীৰ বিৰুদ্ধে এক গোচৰ ৰুজু কৰে ৷ এই গোচৰৰ ভিত্তিতেই গোৰেশ্বৰ আৰক্ষীয়ে পুৱতি নিশা গুৱাহাটীৰ জয়ানগৰৰ পৰা শংকৰ ৰাজবংশীক আটক কৰে (AKRSU Leader arrested by Goreswar Police) ৷
এই ঘটনা সন্দৰ্ভত গোৰেশ্বৰ থানাৰ ভাৰপ্ৰাপ্ত বিষয়াগৰাকীয়ে সংবাদমাধ্যমৰ আগত জানিবলৈ দিয়া মতে, যুৱতীগৰাকীয়ে দাখিল কৰা এজাহাৰৰ বাহিৰেও পূৰ্বৰে পৰা আক্ৰাছুৰ নেতাগৰাকীৰ বিৰুদ্ধে বিভিন্ন অপৰাধমূলক কাৰ্যত জড়িত থকাৰ অভিযোগ উত্থাপিত হৈ আহিছিল আৰু এই সন্দৰ্ভত আৰক্ষীয়ে গোচৰ ৰুজু কৰি তদন্ত অব্যাহত ৰাখিছিল ।
লগতে পঢ়ক : অৱশেষত স্থগিত হ’ল গুৱাহাটী বিশ্ববিদ্যালয়ৰ স্নাতকোত্তৰ পৰীক্ষা
