ফেডেৰৰক পৰাস্ত কৰি ইণ্ডিয়ান ৱেলছ মাষ্টাৰ্ছ টেনিছl খিতাপ দখল থিয়ামৰ

ষষ্ঠতম খিতাপৰ পৰা বঞ্চিত ফেডেৰৰ, প্ৰথমবাৰৰ বাবে জয় লাভ ড’মিনিক থিয়ামৰ ৷ ড়ান্ত মেচখনত 3-6, 6-3, 7-5 ছেটৰ ব্যৱধানত জয় লাভ কৰে থিয়ামে ৷

স্পৰ্টছ ডেস্ক, 19 মাৰ্চঃ এটিপি ইণ্ডিয়ান ৱেলছ মাষ্টাৰ্ছ টেনিছ টুৰ্ণামেণ্টত পৰাজয়বৰণ ছুইজাৰলেণ্ডৰ তাৰকা ৰ’জাৰ ফেডেৰৰে ৷ অষ্ট্ৰিয়াৰ ড’মিনিক থিয়ামৰ হাতত পৰাস্ত হয় ৰ’জাৰ ফেডেৰৰ ৷ চূড়ান্ত মেচখনত 3-6, 6-3, 7-5 ছেটৰ ব্যৱধানত জয় লাভ কৰেথিয়ামে ৷ এই সফলতাৰে টেনিছ কেৰিয়াৰৰ দ্বাদশটো খিতাপ জয় কৰিবলৈ সক্ষম হয় থিয়ামে ৷ আনহাতে বিশ্ব টেনিংছ ৰেংকিঙৰ 8ম স্থানত থকা থিয়ামৰ ইণ্ডিয়ান ৱেলছ মাষ্টাৰ্ছ টেনিছ টুৰ্ণামেণ্টত এইটো আছিল প্ৰথমটো ফাইনেল ৷ ইপিনে নৱমবাৰৰ বাবে ফাইনেলত অৱতীৰ্ণ হৈছিল ফেডেৰৰ ৷ ইয়াৰ পূৰ্বে 2017 চনত ইণ্ডিয়ান ৱেলছ মাষ্টাৰ্ছ টেনিছ টুৰ্ণামেণ্টৰ খিতাপ দখল কৰিবলৈ সক্ষম হৈছিল ফেডেৰৰে ৷