স্পৰ্টছ ডেস্ক, 8 আগষ্ট: বেডমিণ্টনত স্বৰ্ণ পদক অৰ্জন ভাৰতৰ তাৰকা খেলুৱৈ লক্ষ্য সেনৰ ৷ লক্ষ্য সেনে পুৰুষৰ একক শাখাৰ ফাইনেলত মালয়েছিয়াৰ এন জি টি য়ংক পৰাস্ত কৰি সোণৰ পদক অৰ্জন কৰে ৷ য়ঙে ভাৰতৰ শ্বাটলাৰ কিদাম্বি শ্ৰীকান্তক পৰাস্ত কৰি ফাইনেলত প্ৰৱেশ কৰিছিল আৰু লক্ষ্য সেনৰ হাতত তেওঁ ফাইনেলত পৰাস্ত হয় ৷
লক্ষ্য সেনে ফাইনেলৰ আৰম্ভণিতে মালয়েছিয়াৰ এন জি টি য়ঙত কৈ ১৯-২১ আৰু ৬-৮ৰ ব্যৱধানত পিছ পৰি আছিল ৷ কিন্তু পিছত লক্ষ্যই নিজৰ প্ৰদৰ্শন দেখুৱাবলৈ সক্ষম হয় আৰু ২১-১৯ ৰ ব্যৱধানত অগ্ৰগতি লাভ কৰে ৷ লক্ষ্য সেনে নিজৰ এই ধাৰা অব্যাহত ৰাখে আৰু মালয়েছিয়াৰ প্ৰতিদ্বন্দীৰ ওপৰত হেঁচা অব্যাহত ৰাখি তৃতীয় ছেটত ২১-১৬ ব্যৱধানত জয়লাভ কৰে ৷
উল্লেখ্য যে, লক্ষ্য সেনে এইবাৰ প্ৰথমবাৰৰ বাবে কমনৱেলথ গেমছত অংশগ্ৰহণ কৰে তেওঁ চমপ্ৰদক প্ৰদৰ্শন সকলোৰে হৃদয় জয় কৰিবলৈ সক্ষম হয় ৷ কমনৱেলথ গেমছত তেওঁ বেডমিন্টনৰ মিশ্ৰিত শাখাত ৰূপৰ পদক অৰ্জন কৰিছিল(Indian athletes at Commonwealth Games) ৷
লগতে পঢ়ক : Commonwealth Games 2022 : বেডমিন্টনত স্বৰ্ণ অৰ্জন পি ভি সিন্ধুৰ
