স্পৰ্টছ ডেস্ক, 27 জুলাই : ছিনিয়ৰ বিশ্ব মল্লযুঁজ চেম্পিয়নশ্বিপ, 2019 লৈ বজৰংগ পুনিয়া সহিতে 5 জনকৈ মল্লযুঁজাৰুৰ নিৰ্বাচন কৰা হৈছে ৷ 2020 অলিম্পিকত স্থান সুনিশ্চিত কৰাৰ প্ৰথমটো পদক্ষেপ হিচাপে গণ্য কৰা হৈছে এই টুৰ্ণামেন্টক ৷ শুকুৰবাৰে কে. ডি. যাদৱ ৰেষ্টলিং ষ্টেডিয়ামত এই 5 টাকৈ ওজন শাখাৰ নিৰ্বাচন অনুস্থিত কৰা হয় ৷
বজৰংগ পুনিয়াক 65 কেজি শাখাৰ বাবে নিৰ্বাচন কৰাৰ লগতে ৰবি কুমাৰক 57 কেজি, দীপক পুনিয়াক 86 কেজি, মৌচম ক্ষত্ৰীক 97 কেজি আৰু সুমিতক 125 কেজিৰ বাবে নিৰ্বাচন কৰা হয় ৷ আনহাতে, 74, 61, 70, 79 আৰু 92 কেজি শাখাৰ নিৰ্বাচন আগষ্টৰ দ্বিতীয় সপ্তাহত কৰা হ'ব ৷
