স্পৰ্টছ ডেস্ক, 23 আগষ্ট : ভাৰতীয় পুৰুষ আৰু মহিলা হকী দলে বৃহস্পতিবাৰে ট'কিঅ অলিম্পিক টেষ্ট ইভেন্টৰ চেম্পিয়নৰ খিতাপ দখল কৰি ভাৰতলৈ উভতিছে ৷ আগষ্টৰ 21 তাৰিখে পুৰুষ দলটোৱে ফাইনেলত নিউজিলেণ্ডক 5 - 0 ৰ ব্যৱধানত পৰাস্ত কৰাৰ লগতে মহিলা দলটোৱে জাপানক 2 - 1 ৰ ব্যৱধানত পৰাস্ত কৰে ৷
ভাৰতত উপস্থিত হৈ পুৰুষ দলৰ অধিনায়ক হৰমনপ্ৰীত সিঙে মন্তব্য কৰে যে, অলিম্পিক কোৱালিফায়াৰৰ পূৰ্বে এয়া বৃহৎ জয় যিহেতু অলিম্পিক অনুষ্ঠিত হ'বলগীয়া গ্ৰাউণ্ডতে তেওঁলোকে অলিম্পিক টেষ্ট ইভেন্ট জয় কৰিবলৈ সক্ষম হৈছে ৷ এই টুৰ্ণামেন্টলৈ যোৱাৰ পূৰ্বেই দলটোৱে পদক জয় কৰিব বুলি আত্মবিশ্বাসী আছিল বুলি মন্তব্য কৰে অধিনায়ক গৰাকীয়ে ৷ উল্লেখ্য যে, পুৰুষ দলটোৱে তিনিখনকৈ মেচত অংশগ্ৰহণ কৰিছিল আৰু লীগ পৰ্যায়ত নিউজিলেণ্ডৰ হাতত পৰাস্ত হৈছিল যদিও ফাইনেলত নিউজিলেণ্ডক বিধস্ত কৰিবলৈ সক্ষম হয় ৷
আনহাতে, ভাৰতীয় মহিলা দলৰ অধিনায়ক ৰাণী ৰামপালে মন্তব্য কৰে যে, অলিম্পিকলৈ এটা বছৰ থকাৰ পূৰ্বে এই টুৰ্ণামেন্ট এক বৃহৎ অভিজ্ঞতা ৷ দলে সুন্দৰ প্ৰদৰ্শন কৰিবলৈ সক্ষম হোৱা বুলিও মন্তব্য কৰে খেলুৱৈ গৰাকীয়ে ৷ জাপান, চীন আৰু অষ্ট্ৰেলিয়া শক্তিশালী দল আছিল আৰু তেওঁৰ দলটো সঠিক পথত গতি কৰিছে বুলি মন্তব্য কৰে ৰাণীয়ে ৷ উল্লেখ্য যে, অলিম্পিকত স্থান লাভৰ বাবে ভাৰতীয় মহিলা দলটোৱেও অলিম্পিক কোৱালিফায়াৰত অংশগ্ৰহণ কৰিব ৷ মহিলা দলটোৱে ফাইনেলত জাপানক বিধস্ত কৰিবলৈ সক্ষম হয় ৷
-
It's double celebration for #TeamIndia 🇮🇳💪🏼
— Hockey India (@TheHockeyIndia) August 22, 2019 " class="align-text-top noRightClick twitterSection" data="
The victorious Indian Men's Hockey Team and the Indian Eves landed in New Delhi on 22nd August 2019 after a successful Olympic Test Event in Tokyo.#IndiaKaGame #ReadySteadyTokyo #Tokyo2020 @WeAreTeamIndia pic.twitter.com/5mqewS9roX
">It's double celebration for #TeamIndia 🇮🇳💪🏼
— Hockey India (@TheHockeyIndia) August 22, 2019
The victorious Indian Men's Hockey Team and the Indian Eves landed in New Delhi on 22nd August 2019 after a successful Olympic Test Event in Tokyo.#IndiaKaGame #ReadySteadyTokyo #Tokyo2020 @WeAreTeamIndia pic.twitter.com/5mqewS9roXIt's double celebration for #TeamIndia 🇮🇳💪🏼
— Hockey India (@TheHockeyIndia) August 22, 2019
The victorious Indian Men's Hockey Team and the Indian Eves landed in New Delhi on 22nd August 2019 after a successful Olympic Test Event in Tokyo.#IndiaKaGame #ReadySteadyTokyo #Tokyo2020 @WeAreTeamIndia pic.twitter.com/5mqewS9roX
ভাৰতীয় দলৰ প্ৰধান প্ৰশিক্ষক গ্ৰাহাম ৰেইডে মন্তব্য কৰে যে, যুৱ খেলুৱৈ সকলৰ অৰ্হতা সমূহ বিচাৰি উলিয়াবলৈ এই টুৰ্ণামেন্টে বহু সহায় কৰিব ৷ অলিম্পিক কোৱালিফায়াৰত ভাল প্ৰদৰ্শন কৰিবলৈ সক্ষম হ'ব বুলি আশা প্ৰকাশ কৰে প্ৰশিক্ষক গৰাকীয়ে ৷
