স্পৰ্টছ ডেস্ক, ১৬ জুন : চেলিব্ৰিটি দম্পতী বিৰাট কোহলী (Viruska) আৰু অনুষ্কা শৰ্মা (Anushka Sharma)ই তেওঁলোকৰ কামৰ বাবে প্ৰায়েই বাতৰিৰ শিৰোনাম দখল কৰে । চলিত বৰ্ষত বিৰাট আৰু অনুষ্কাৰ জীৱনলৈ আহিছে তেওঁলোকৰ কন্যা সন্তান বামিকা । চাৰি বছৰ পূৰ্বে ইটালীত ব্যক্তিগতভাৱে বিবাহৰ অনুষ্ঠান আয়োজন কৰি যুগ্ম জীৱন আৰম্ভ কৰিছিল বিৰাট আৰু অনুষ্কাই ।
শেহতীয়াকৈ চৰ্চিত হৈ পৰিছে বিৰাট-অনুষ্কা (Viruska)ৰ এটা পুৰণি ভিডিঅ' । এই ভিডিঅ'টোত ভাৰতীয় ক্ৰিকেট দল(INDIAN CRICKET TEAM)ৰ অধিনায়ক বিৰাট কোহলিক অভিনেত্ৰী অনুষ্কা শৰ্মাৰ বাবে গীত পৰিৱেশন কৰা দেখা গৈছে ।
বিৰাটে অনুষ্কাৰ বাবে 'মেৰে মেহবুব কয়ামত হোগী' শীৰ্ষক গীতটি গাইছে আৰু তেওঁলোকৰ পৰিয়াল আৰু বন্ধুবৰ্গই প্ৰশংসা কৰা দেখা গৈছে ভিডিঅ'টোত । বিৰাটে গীত পৰিৱেশন কৰি থকা মাজতে কেমেৰাত আৱদ্ধ হয় অনুষ্কাৰ প্ৰতিক্ৰিয়া আৰু অনুষ্কাক আবেগিক হৈ পৰা দেখা গৈছে ।
বিৰাট কোহলী, অনুষ্কা শৰ্মা আৰু তেওঁলোকৰ জীয়ৰী বামিকা বৰ্তমান ইংলেণ্ডত আছে । ১৮ জুনৰ পৰা ভাৰতে নিউজিলেণ্ডৰ বিৰুদ্ধে বিশ্ব টেষ্ট চেম্পিয়নশ্বিপ (World Test Championship)ৰ চূড়ান্ত খেল খেলিবলৈ সাজু হৈছে ।
লগতে পঢ়ক:ইউৰো ২০২০: স্কটলেণ্ডৰ বিৰুদ্ধে পেত্ৰিক শ্চিকৰ দুটা গ’ল
