প্ৰাক্তন ভাৰতীয় ক্ৰিকেটাৰ কৰ্ষণ ঘাভৰীৰ সৈতে সাক্ষাৎকাৰ স্পৰ্টছ ডেস্ক, 15 নৱেম্বৰ : চলিত আই চি চি এদিনীয়া ক্ৰিকেট বিশ্বকাপত ভাৰতীয় দলটোৱে বুধবাৰে প্ৰথমখন ছেমি ফাইনেলত আইকনিক ৱাংখেড়ে ষ্টেডিয়ামত নিউজীলেণ্ডৰ বিৰুদ্ধে অৱতীৰ্ণ হৈছে ৷ এই প্ৰতিযোগিতাখনত এতিয়ালৈকে লীগ পৰ্য়াযৰ 9 খন মেচতে জয়লাভ কৰিছে মেন ইন ব্লুয়ে ৷ ‘ইটিভি ভাৰত’ৰ সৈতে হোৱা কথা-বতৰাত ভাৰতৰ প্ৰাক্তন পেচাৰ কর্ষণ ঘাভৰীয়ে নিজৰ মত পৰ্কাশ কৰে যে ৰোহিত শর্মা নেতৃত্বাধীন আৰু ৰাহুল দ্ৰাবিড়ৰ প্ৰশিক্ষিত দলটোৱে ছেমি ফাইনেলৰ লগতে চূড়ান্ত খেলতো জয়ী হ’ব ৷
ঘৰুৱা পৰিস্থিতিৰ সুবিধা-
1975 আৰু 1979 চনৰ বিশ্বকাপত নিজৰ বিধ্বংসী বলিঙৰ জৰিয়তে প্ৰতিদ্বন্দ্বী দলক আতংকিত কৰা কৰ্ষণ ঘাভৰীয়ে কয়, "বিশ্বকাপত ভাৰতে যিদৰে একেৰাহে 9 খন মেচত জয়লাভ কৰিছে, সেইদৰে দলটোৰ মনোবল বৃদ্ধি কৰিছে ৷ লগতে এই বিশ্বকাপ ভাৰতত অনুষ্ঠিত হৈছে, ঘৰুৱা পৰিস্থিতিৰ সুবিধাও ভাৰতীয় দলটোৱে লাভ কৰিছে ৷ দলটোৱে ইয়াক বিশ্বকাপৰ ট্ৰফী পাব ৷"
ফাইনেল মেচ ভাৰত-অষ্ট্ৰেলিয়াৰ মাজত হ’ব-
বৰ্তমান দক্ষিণ মুম্বাইৰ ৱাংখেড়ে ষ্টেডিয়ামত ভাৰত আৰু নিউজীলেণ্ডৰ মাজত প্ৰথমখন ছেমি ফাইনেল মেচ অনুষ্ঠিত হৈ আছে আৰু দ্বিতীয়খন ছেমি ফাইনেলত পাঁচবাৰৰ চেম্পিয়ন অষ্ট্ৰেলিয়াই দক্ষিণ আফ্ৰিকাৰ বিৰুদ্ধে খেলিব ৷ "ভাৰতে নিউজীলেণ্ডক পৰাস্ত কৰিব, আনহাতে অষ্ট্ৰেলিয়াই দক্ষিণ আফ্ৰিকাৰ বিৰুদ্ধে জয়লাভ কৰিব ৷ এইদৰে বিশ্বকাপৰ ফাইনেল খেলখন ভাৰত আৰু অষ্ট্ৰেলিয়াৰ মাজত হ'ব আৰু ভাৰতীয় দলটো বিজয়ী হ’ব ৷" ঘৰুৱা ক্ৰিকেটত মুম্বাই আৰু সৌৰাষ্ট্ৰৰ হৈ খেলা ঘাভৰীয়ে লগতে কয় ৷
ফিল্ডিঙত ভাৰতে বহু উন্নতি কৰিলে-
"ভাৰতীয় বেটছমেনে দুটা ডাঙৰ অংশীদাৰিত্ব গঢ়ি তোলাৰ প্ৰয়োজন ৷ ইয়াৰ বাহিৰেও ভাৰতৰ বলিং শক্তিশালী ৷ নিউজীলেণ্ডৰ বেটছমেনক ভাৰতৰ তিনিজন বেগী বলাৰ (যশপ্ৰীত বুমৰাহ, মহম্মদ ছিৰাজ আৰু মহম্মদ ছামী) আৰু দুজন স্পীনাৰ (কুলদীপ যাদৱ আৰু ৰবীন্দ্ৰ জাডেজা) ৷ লগতে ভাৰতীয় দলৰ ফিল্ডিঙৰ ক্ষেত্ৰতো এই বিশ্বকাপত বহু উন্নতি হৈছে ৷" প্ৰথম শ্ৰেণীৰ 452 টা উইকেট দখল কৰা ঘাভৰীয়ে কয় ৷
109 টা টেষ্ট উইকেট দখল কৰা ঘাভৰীয়ে শেষত কয়, "অধিনায়ক ৰোহিত শৰ্মাৰ বাবে এয়া হয়তো শেষ বিশ্বকাপ ৷ গতিকে সকলো ক্ৰিকেট অনুৰাগীয়ে এই বিশ্বকাপত ভাৰতক জয়ী হোৱাটো বিচাৰে ৷"
লগতে পঢ়ক : World Cup 2023: সদায় বৰ্তমানৰ ওপৰত গুৰুত্ব দিয়া উচিত: ৰোহিত শৰ্মা
