বেংগালুৰুত বিৰাটৰ বিৰাট ব্যস্ততা

আই পি এলৰ প্ৰথম সংস্কৰণৰ পৰাই জয়ৰ সোৱাদ লভাৰ পৰা বঞ্চিত ৰয়েল চেলেঞ্জাৰ্ছ বেংগালুৰুৱে চলাইছে তীব্ৰ অনুশীলন ৷ প্ৰশিক্ষক গেৰি কাৰষ্টেনৰ তত্বাৱধানত সোমবাৰে খেলপথাৰত বহু সময় ধৰি অধিনায়ক বিৰাটৰ লগতে দলটোৰ প্ৰতিজন সদস্যই অনুশীলনত অংশ লয় ।

স্পৰ্টছডেস্ক,১৯ মাৰ্চঃ আই পি এলৰ প্ৰথম সংস্কৰণৰ পৰাইজয়ৰ সোৱাদ লভাৰ পৰা বঞ্চিত হৈ আহিছে বিৰাট কোহলিৰ নেতৃত্বাধীন আৰ চি বি দলে । পিচে আগন্তুক আই পি এলত পূৰ্বৰ সকলো আশা বাস্তৱত পৰিণত কৰিবলৈ ইতিমধ্যে অনুশীলনত ব্যস্ত বিৰাট কোহলি । প্ৰশিক্ষক গেৰি কাৰষ্টেনৰ তত্বাৱধানত সোমবাৰে খেলপথাৰত বহু সময় ধৰি অধিনায়ক বিৰাটৰ লগতে দলটোৰ প্ৰতিজন সদস্যই অনুশীলনত অংশ লয় । উল্লেখ্য যে আই পি এলৰ ইতিহাসত বিৰাট কোহলি হৈছে দ্বিতীয়জন সৰ্বাধিক ৰান স্ক'ৰাৰ । বিৰাটে ১৬৩ খন খেলৰ বিপৰীতে ৪৯৪৮ ৰান সংগ্ৰহ কৰিবলৈ সক্ষম হৈছে লগতে চলিত ছীজনৰ আই পি এলত তেওঁ ৫০০০ ৰান সম্পূৰ্ণ কৰিব ।