স্পৰ্টছ ডেস্ক, 28 জানুৱাৰীঃ সকলো জল্পনা-কল্পনাৰ অৱসান ঘটাই অৱশেষত প্ৰকাশ কৰা হ’ল আইপিএলৰ চূড়ান্ত মেচৰ স্থান ৷ মুম্বাইৰ ৱাংখাড়ে ষ্টেডিয়ামত 24 মে’ত অনুষ্ঠিত হ’ব আইপিএলৰ ফাইনেল মেচ ৷ ইয়াৰ লগতে সময়সূচীত কোনো সাল-সলনি নহয় বুলি স্পষ্ট কৰিছে বিচিচিআইয়ে ৷
সৌৰভ গাংগুলীয়ে সংবাদ মাধ্যমৰ আগত প্ৰকাশ কৰি কয় যে, আইপিএলৰ ৰাতিৰ মেচ সমূহত কোন সাল-সলনি নহয় ৷ পূৰ্বৰ সময়সূচী অনুসৰিয়ে সন্ধিয়া 8 বজাতেই অনুষ্ঠিত হ’ব আইপিএলৰ মেচসমূহ ৷ এইবাৰ কেৱল 5 খন হে ডাবল্ছ হেডাৰ মেচ (4 আৰু 8 বজাত) অনুষ্ঠিত হোৱাৰ বিপৰীতে 6 খন মেচ অনুষ্ঠিত হ’ব আবেলি 4 বজাত ৷ অৱশ্যে এইবাৰ আইপিএলৰ ন’ বল নিৰ্ণয়ৰ ভূমিকাত থাকিব থাৰ্ড আম্পায়াৰ ৷ পূৰ্বে আই পি এলৰ ফাইনেল মেচখন আহমেদাবাত অনুষ্ঠিত হ’ব বুলি আশা প্ৰকাশ কৰা হৈছিল ৷
