দিপালী বৰঠাকুৰৰ প্ৰথম মৃত্যু বাৰ্ষিকী

যাওঁ বুলিয়েই চেনাই নীলপৱন বৰুৱাৰ কাষৰ পৰা গুচি গ'ল দিপালী বৰঠাকুৰ ৷ সৌৰভ নগৰৰ ঘৰটোত দিপালীবিহীন ভাৱেই উৰুঙা উৰুঙা এটা বছৰ কটালে সঁচা প্ৰেমৰ জীৱন্ত দলিল নীলপৱন বৰুৱাই ৷

গুৱাহাটী,21 ডিচেম্বৰঃ দিপালী বৰঠাকুৰৰ প্ৰথম মৃত্যু বাৰ্ষিকী ৷ সৌৰভ নগৰৰ দিপালী বৰঠাকুৰ আৰু নীলপৱন বৰুৱাৰ বিশেষ ঘৰটোত গুণমুগ্ধ সহিতে আপোনজনে সুঁৱৰিলে দিপালী বৰঠাকুৰক ৷ ফটোৰ সমুখত এগছি বন্তি জ্বলাই উচুপি উঠিল নীলপৱন বৰুৱাই ৷ অশ্ৰু নিগৰি পৰিল , শীৰ্ণ দুগালেৰে ৷ তেখেতে হয়তো কল্পনাই কৰিব নাই, এটা বছৰে প্ৰিয়তমা দিপালী যে কাষত নাই ৷