চিটাৰা ডেস্ক, 7 মাৰ্চ: বলীউডৰ জনপ্ৰিয় অভিনেতা অনুপম খেৰৰ বাবে বয়স মাথোন এটা সংখ্যাহে । আজি অভিনেতাজনে পালন কৰিব তেওঁৰ 67 বছৰীয়া জন্মদিন (Anupam kher turns 67) ৷ বৰ্তমানৰ যুৱ প্ৰজন্মৰ তুলনাত এইজন অভিনেতা হৈ আছে এতিয়াও সক্ৰিয়, শক্তিশালী আৰু কৰ্মোদ্যমী ৷
অভিনেতাজনে নিজৰ জন্মদিনৰ দিনা ইন্ষ্টাগ্ৰামত শ্বেয়াৰ কৰিলে দুখন ফটো ৷ ফটো দুখনত নিজৰ শৰীৰটো প্ৰদৰ্শন কৰি অভিনেতাগৰাকীয়ে লিখিছে, 67 বছৰীয়া এই যাত্ৰাৰ পৰত নিজকে এক অন্য ৰূপত উপস্থাপন কৰাৰ বাবে মই অনুপ্ৰেৰিত আৰু উৎসাহিত হৈ পৰিছো (Anupam Kher age) ৷ আপোনালোকে দেখা পোৱা ফটোকেইখন বিগত যোৱা সময়চোৱাৰ দীঘলীয়া যাত্ৰাৰ কষ্টৰ ফল ৷
তেওঁ লগতে কয়, নিজৰ সৰ্বশ্ৰেষ্ঠ সময়খিনিক অনুভৱ কৰা আৰু চোৱাৰ হেপাঁহ আছিল যাৰ বাবে ফিটনেছক তেওঁ গুৰুত্ব সহকাৰে লৈ আহিছে ৷ নিজৰ এই ফিটনেছ যাত্ৰা অনুৰাগীৰে সৈতে শ্বেয়াৰ কৰিব বুলি কথা দি অভিনেতাগৰাকীয়ে এবছৰৰ পিছত নিজকে অন্য ৰূপত চোৱাৰ আশা প্ৰকাশ কৰে ৷
- " class="align-text-top noRightClick twitterSection" data="
">
অনুপম খেৰে পোষ্ট কৰা ফটো দুখনে হতবাক কৰি তুলিছে নেটিজেনক ৷ অনুৰাগী সকলৰ শুভেচ্ছা বাণীৰে ভৰি পৰে তেওঁৰ ইন্ষ্টাগ্ৰাম ৷ বৰ্তমান অভিনেতাগৰাকীয়ে তেওঁৰ নতুন ছবি দ্য কাশ্মীৰী ফাইলছ্ মুক্তিৰ অপেক্ষাত আছে (Anupam Kher new movie) ৷ ছবিখনে 11 মাৰ্চত মুক্তি লাভ কৰিব ৷
