লংকা বন বিভাগৰ দ্বাৰা জব্দ চোৰাং কাঠসহ মালবাহী গাড়ী

লংকা বন বিভাগৰ লোকে চোৰাং কাঠৰ গাড়ীখন ৰাষ্ট্ৰীয় ঘাইপথেৰে শংকৰদেৱ নগৰৰ পৰা পিছে পিছে খেদি গৈ কপাঁহবাৰী অঞ্চলৰ পৰা আটক কৰিবলৈ সক্ষম হয় ।

হোজাই, 26 আগষ্ট : লংকা বন বিভাগৰ দ্বাৰা চলোৱা এক অভিযানত জব্দ হয় চোৰাং কাঠসহ মালবাহী মেজিক গাড়ী । বিশেষ সূত্ৰৰ পম খেদি, লংকা বন বিভাগৰ লোকে বুধবাৰে 54নং ৰাষ্ট্ৰীয় ঘাইপথৰ কপাঁহবাৰী অঞ্চলৰ পৰা জব্দ কৰে চোৰাং কাঠ সৰবৰাহ কৰা টাটা মেজিক গাড়ী ।

জব্দ কৰা চোৰাং কাঠসহ মালবাহী গাড়ীখন

বন বিভাগে লগতে আটক কৰে গাড়ীখনৰ চালক আব্দুল মান্নানক ।

উল্লেখ্য যে, লংকা বন বিভাগৰ লোকে চোৰাং কাঠৰ গাড়ীখন ৰাষ্ট্ৰীয় ঘাইপথেৰে শংকৰদেৱ নগৰৰ পৰা পিছে পিছে খেদি গৈ কপাঁহবাৰী অঞ্চলৰ পৰা আটক কৰিবলৈ সক্ষম হয় । ৰাষ্ট্ৰীয় ঘাইপথেৰে লংকাৰ মাৰ্কেটিঙৰ পৰা ডৱকালৈ গৈ আছিল টাটা মেজিক গাড়ীখন । জব্দ কৰা গাড়ীখনৰ নম্বৰ AS 02 BC 3103 । পিছত টাটা মেজিক গাড়ীসহ চালকজনক লৈ অহা হয় লংকা আঞ্চলিক বন বিভাগৰ কাৰ্য্যালয়লৈ ।

লগতে পঢ়ক : পত্নীক ডিঙি চেপি হত্যা, আৰক্ষী থানাত আত্মসমৰ্পন দোষীৰ