পাণ্ডুত উদ্ধাৰ অৰ্ধগলিত অচিনাক্ত মৃতদেহ

মহানগৰীৰ পাণ্ডু কলনিত উদ্ধাৰ হয় এটি অচিনাক্ত মৃতদেহ ৷ অৰ্ধগলিত অৱস্থাত পোৱা মৃতদেহটোৰ পৰিচয় উদ্ধাৰ কৰিবলৈ সক্ষম হোৱা নাই আৰক্ষী ৷

গুৱাহাটী, 11 নৱেম্বৰঃ মহানগৰীৰ পাণ্ডুত উদ্ধাৰ হৈছে এটি অচিনাক্ত অৰ্ধগলিত মৃতদেহ ৷ পাণ্ডুৰ এটা নলাৰ কাষত পৰি থকা অৱস্থাত ৰাইজে প্ৰত্যক্ষ কৰে মৃতদেহটো ৷ ইতিমধ্যে মৃতদেহটো গলিবলৈ লৈছিল আৰু ইয়াৰ পৰা ওলোৱা দুৰ্গন্ধ চাৰিওফালে বিয়পি পৰাত পোহৰলৈ আহে এই ঘটনা ৷

পিচত স্থানীয় লোকে আৰক্ষীক খবৰ দিয়াত ঘটনাস্থলীত উপস্থিত হয় জালুকবাৰী আৰক্ষী ৷ আৰক্ষীয়ে মৃতদেহটো উদ্ধাৰ কৰি মৰনোত্তৰ পৰীক্ষাৰ বাবে প্ৰেৰণ কৰে ৷ অৱশ্যে কি কাৰণে লোকজনৰ মৃতদেহটো সেইস্থানলৈ আহি পালে তাক লৈ এতিয়াও ৰহস্য ৷ কিয়নো উক্ত স্থানত পূৰ্বেও উদ্ধাৰ হৈছিল মৃতদেহ ৷ আৰক্ষীৰ তদন্ত আৰু মৰনোত্তৰ পৰীক্ষাৰ পিচতহে পোহৰলৈ আহিব সমগ্ৰ ঘটনাৰ ৰহস্য ৷