নিউজ ডেস্ক, 24 এপ্ৰিল: ইস্তাৰৰ দিনা শ্ৰীলঙ্কাত হোৱা ধাৰাবাহিক বিস্ফোৰণৰ 9 গৰাকী আত্মঘাতী বোমাৰোৰ এগৰাকী আছিল মহিলা ৷ আৰক্ষীৰ মুখপাত্ৰ ৰোৱান গোনাছেকাৰায়ে বুধবাৰে ঘোষণা কৰে এই কথা ৷ এই ধাৰাবাহিক বিস্ফোৰণৰ লগত জড়িত 60 গৰাকী লোকক এই পৰ্যন্ত গ্ৰেপ্তাৰ কৰা হৈছে ৷ ইয়াৰে 32 জন চিআইডিৰ জিম্মাত ৰখা হৈছে ৷
এখন সংবাদমেলত শ্ৰীলঙ্কাৰ উপ-প্ৰতিৰক্ষা মন্ত্ৰী ৰোৱান ৱিজেয়ৱৰ্ডনেয়ে জনাই যে এই আত্মঘাতী বোমাৰো কেইজন উচ্চ শিক্ষিত আৰু উচ্চ মধ্যবিত্ত পৰিয়ালৰ ৷ ইয়াৰে এগৰাকী ইউনাইটেড কিংদম আৰু অষ্ট্ৰেলিয়াত শিক্ষা গ্ৰহণ কৰি শ্ৰীলংকালৈ উভতি আহিছিল ৷ তেওঁ লগতে কয় যে, প্ৰাথমিক তথ্য অনুসৰি এই বোমা বিস্ফোৰণ নিউজিলেণ্ডৰ মজজিদত হোৱা আক্ৰমণৰ প্ৰত্যুত্তৰ আছিল ৷
