ইণ্টাৰনেশ্যনেল ডেস্ক, 27 অক্টোবৰ: সমগ্ৰ বিশ্বতে কৰ'ণা মহামাৰীত আক্ৰান্ত লোকৰ সংখ্যা 4,37,76,587 গৰাকীলৈ বৃদ্ধি পায় আৰু মৃত্যু হোৱা লোকৰ সংখ্যা বৃদ্ধি পায় 11,64,515 তকৈো অধিক লোকলৈ ৷ অৱশ্যে এই পৰ্যন্ত 3,21,79,748 গৰাকীতকৈয়ো অধিক লোকে এই মহামাৰীৰ কবলৰ পৰা আৰোগ্য লাভ কৰিছে ৷
কৰ'ণা মহামাৰীয়ে আটাইতকৈ অধিক ক্ষতিগ্ৰস্ত কৰা দেশ খন হ'ল আমেৰিকা ৷ আমেৰিকাত কৰ'ণা আক্ৰান্তৰ সংখ্যাই অতিক্ৰম কৰিলে 89,62,783 তকৈয়ো অধিক লোকলৈ ৷ আনহাতে দেশখনত মৃত্যু হোৱা লোকৰ সংখ্যা 2,31,045 গৰাকীতকৈয়ো অধিকলৈ বৃদ্ধি পালে ৷
আমেৰিকাত চিকিৎসালয়ত ভৰ্তি হোৱা লোকৰ সংখ্যা দিনক দিনে বৃদ্ধি পাবলৈ ধৰিছে আৰু মৃত্যুৰ হাৰো বৃদ্ধি পাবলৈ ধৰিছে ৷ দেশখনত পূৰ্বতকৈ অধিক নমুনা পৰীক্ষণৰ সংখ্যাও বৃদ্ধি কৰা হৈছে ৷
আনহাতে কৰ'ণা আক্ৰান্ত দেশৰ ভিতৰত দ্বিতীয় স্থানত থকা ভাৰতত আক্ৰান্তৰ সংখ্যা 79,45,888 গৰাকীতকৈয়ো অধিক লোকলৈ বৃদ্ধি পাইছে ৷
ফ্ৰান্সৰ স্বাস্থ্য বিশেষজ্ঞ সকলে কৰ'ণাৰ দ্বিতীয় পৰ্যায়ৰ প্ৰদুৰ্ভাৱৰ বাবে দেশখনত পুনৰ বাৰলৈ লক ডাউন জাৰি কৰিবলৈ সকীয়নি প্ৰদান কৰিছে ৷ যিহেতু দেশখনত ব্যাপক হাৰত বৃদ্ধি পাবলৈ ধৰিছে কৰ'ণা আক্ৰান্তৰ সংখ্যা ৷
লগতে পঢ়ক: অৱশেষত যুদ্ধবিৰতিলৈ অহাৰ সিদ্ধান্ত আৰ্মেনিয়া আৰু আজাৰবেইজানৰ
