নিউজ ডেস্ক, ১৮ এপ্ৰিলঃ কোভিড-১৯ৰ বিৰুদ্ধে যুঁজখনত শক্তিশালী ৰূপত অৱতীৰ্ণ হৈছে নাছা । আমেৰিকা যুক্তৰাষ্ট্ৰৰ মহাকাশ গৱেষণা সংস্থাটোৱে শেহতীয়াকৈ বিকাশ কৰি উলিয়াইছে এটা অক্সিজেন হুড । স্বাস্থ্যসেৱাত শক্তিশালী ৰূপত আত্মপ্ৰকাশ কৰি এতিয়া কোভিড-১৯ মহামাৰীৰ বিৰুদ্ধে যুঁজখনত কেলিফৰ্নিয়াস্থিত টাস্ক ফৰ্চৰ সৈতে একেলগে এই বিশেষ যন্ত্ৰটো সাজি উলিয়াইছে সংস্থাটোৱে ।
সংস্থাটোৱে প্ৰকাশ কৰা অনুসৰি, ইয়াৰ আৰ্মষ্ট্ৰং ফ্লাইট ৰিছাৰ্চ চেন্টাৰে এন্টিলপ ভেলী হস্পিতালৰ সৈতে একেলগে এই যন্ত্ৰটো সাজি উলিয়াইছে বুলি জনাইছে । কোভিড-১৯ ৰোগীসকলৰ বাবে ভেন্টিলেটৰৰ পৰিৱৰ্তে এই যন্ত্ৰটো ব্যৱহাৰ কৰিব পৰা যাব । অৱশ্যে বৰ্তমানে এন্টিলপ ভেলী হস্পিতালত এই যন্ত্ৰটোৰ প্ৰটোটাইপ ব্যৱহাৰ কৰি সফলতা লাভ কৰিছে গৱেষক তথা স্বাস্থ্যকৰ্মীসকলে ।
