চিটাৰা ডেস্ক, 23 নৱেম্বৰ: অমিতাভ বচ্চনৰ নাতি অগস্ত্য নন্দাই অতি সোনকালেই বলীউড জগতত অভিনেতা হিচাপে আত্মপ্ৰকাশ কৰিব । পৰিচালক জোয়া আখতাৰ পৰিচালনাত নিৰ্মিত ‘দ্য আৰ্চিজ’ ছবিখনৰ জৰিয়তে অগস্ত্যই বলীউডত আত্মপ্ৰকাশ কৰিব ৷ ইফালে আজি অগস্ত্য নন্দাই উদযাপন কৰিছে ২৩ সংখ্যক জন্মদিন ।
ছ’চিয়েল মিডিয়াত ভাইৰেল হৈ পৰিছে জন্মদিন উদযাপনৰ কিছু ফটো । মাজনিশা অগস্ত্য নন্দাই তেওঁৰ ‘দ্য আৰ্চিজ’ ছবিখনৰ সহ-অভিনেতাৰ সৈতে জন্মদিন উদযাপনৰ কৰে ।
অগস্ত্য নন্দাই সুহানাৰ সৈতে কাটিলে জন্মদিনৰ কেক
মাজনিশা ১২ বজাত তেওঁৰ আগন্তুক ছবি ‘দ্য আৰ্চিজ’ৰ সহ অভিনেতাৰ সৈতে জন্মদিনৰ কেক কাটিলে অগস্ত্য নন্দাই । এই সময়চোৱাত শ্বাহৰুখ খানৰ কন্যা সুহানা খান আৰু মিহিৰ আহুজাকো দেখা গ’ল । মিহিৰ আহুজাই নিজৰ ইনষ্টাগ্ৰাম একাউণ্টত অগস্ত্যৰ জন্মদিন উদযাপনৰ ফটো আৰু ভিডিঅ’ শ্বেয়াৰ কৰিছে । ফটো আৰু ভিডিঅ’ শ্বেয়াৰ কৰি মিহিৰে কেপচনত লিখিছে,‘‘ জন্মদিনৰ শুভেচ্ছা থাকিল অগস্ত্য !! তোমাক ভাল পায় । মই তোমাক আৰু বেছি ভাল পাওঁ । এই বছৰটোৱে তোমাৰ বাবে বহুত সফলতা আৰু সুখ কঢ়িয়াই আনক । ’’
সুহানা আৰু অগস্ত্যক টুইনিং কৰি পৰিধান কৰিছিল সাজ-পোছাক
এই বিশেষ দিনটোত সুহানা আৰু অগস্ত্যক ক’লা সাজ-পোছাক পৰিধান কৰা দেখা গৈছিল । অগস্ত্যই ডেনিম জিন্সৰ সৈতে ক’লা টি-চাৰ্ট পৰিধান কৰিছিল, আনহাতে সুহানাই ক’লা হাই নেক সাজ পৰিধান কৰিছিল । সুহানাই অগস্ত্যৰ ফটো ইনষ্টাগ্ৰামত শ্বেয়াৰ কৰি কেপচনত লিখিছে, "বাৰ্থডে বয় !!’’
মোমায়েক অভিষেক বচ্চনেও জনালে জন্মদিনৰ শুভেচ্ছা
জন্মদিনত মোমায়েক অভিষেক বচ্চনেও অগস্ত্যৰ ফটো শ্বেয়াৰ কৰি জনাইছে শুভেচ্ছা । অভিষেক বচ্চনে নিজৰ ভাগিনৰ শৈশৱৰ ফটো ইনষ্টাগ্ৰামত শ্বেয়াৰ কৰি কেপচনত লিখিছে, ‘হেপি বাৰ্থডে আৰ্চি এণ্ড্ৰুজ ।’’
উল্লেখ্য যে, অগস্ত্য নন্দা অভিষেক বচ্চনৰ জ্যেষ্ঠ ভগ্নী শ্বেতা বচ্চনৰ পুত্ৰ । শ্বেতা বচ্চনে ব্যৱসায়ী নিখিল নন্দাৰ সৈতে বিবাহপাশত আবদ্ধ হৈছে ।
লগতে পঢ়ক: গ্লেমাৰাছ লুকত আলিয়া ভাট, পাপাৰাজীয়ে ক’লে ‘আলু জী’, চাওক আলিয়াৰ প্ৰতিক্ৰিয়া
