চিটাৰা ডেস্ক, ১৯ ডিচেম্বৰ: যোৱা মাহত প্ৰেমিকা লিন লাইশ্ৰমৰ সৈতে বিবাহপাশত আবদ্ধ হয় বলীউডৰ প্ৰতিভাৱান অভিনেতা ৰণদ্বীপ হুড্ডা । বিয়াৰ পিচৰে পৰা ৰণদ্বীপ আৰু লিনে ছ’চিয়েল মিডিয়াত যথেষ্ট চৰ্চা লাভ কৰিছে । আজি লিন লাইশ্ৰমৰ জন্মদিন ৷ বিয়াৰ পিচত লিনৰ এয়া প্ৰথমটো জন্মদিন ৷ ইফালে পত্নী লিনক জন্মদিনত বিশেষ ধৰণে শুভেচ্ছা জনালে ৰণদ্বীপে ।
লিন লাইশ্ৰমৰ জন্মদিনত পোষ্ট শ্বেয়াৰ কৰিলে ৰণদ্বীপ হুড্ডাই
নিজৰ ইনষ্টাগ্ৰাম একাউণ্টত পত্নী লিন লাইশ্ৰমৰ সৈতে দুখন ছবি শ্বেয়াৰ কৰিছে ৰণদ্বীপ হুড্ডাই । এখন ফটোত তেওঁক লিনৰ সৈতে বাইকত বহি থকা দেখা গৈছে । এই ছবিখন দুয়ো ডেটিং কৰি থকা সময়ত তোলা ফটো । দ্বিতীয়খন ছবি ৰণদ্বীপ আৰু লিনৰ বিয়াৰ অভ্যৰ্থনাৰ ছবি ।
লিন অহাৰ পিচত সলনি হৈ গ’ল ৰণদ্বীপৰ জীৱন
ফটোসমূহ শ্বেয়াৰ কৰি ৰণদ্বীপ হুড্ডাই এটা ধেমেলীয়া কেপচন লিখিছে । অভিনেতাজনে লিনৰ বাবে লিখিছে, "ৰাজপথৰ পৰা এই বাটলৈকে, আমি বহুদূৰ আগবাঢ়ি আহিছো । শ্ৰীমতীলৈ জন্মদিনৰ শুভেচ্ছা । গুৰুত্বসহকাৰে কৈছো, সেই সময়ত মই নাজানিছিলো যে জীৱনটো এনেদৰে সলনি হৈ যাব, সেয়াও ভালৰ বাবে সলনি হ’ব । মই তোমাক মোৰ জীৱনত পাই ধন্য । তোমাৰ বাবে, জীৱনত স্থিৰতা আৰু শান্তি আছে, যিটো প্ৰয়োজন আছিল । তোমাক সদায় ভাল পাওঁ । "
লিন লাইশ্ৰম কোন ?
মণিপুৰৰ বাসিন্দা লিন লাইশ্ৰম এগৰাকী মডেল, অভিনেত্ৰী আৰু ব্যৱসায়ী । ওম শান্তি ওম ছবিত অভিনয় কৰিছে লিনে । মেৰী কম ছবিখনতো গুৰুত্বপূৰ্ণ ভূমিকা পালন কৰিছে । ৰেংগুন, উমৰিকা, জানে জান আদি ছবিতো অভিনয় কৰিছিল লিনে । ইয়াৰ উপৰিও লিনে বহুতো টিভি শ্ব’ত আঁত ধৰোতাৰ ৰূপতো আছিল ৷ ব্যৱসায়ৰ কথা ক’বলৈ গ’লে লিনে শ্বামুও ছানা নামৰ এটা গহনা ব্ৰেণ্ড চলাই আছে ।
মণিপুৰৰ ৰীতি-নীতি অনুসৰি ২০২৩ চনৰ ২৯ নৱেম্বৰত ইম্ফলত ৰণদ্বীপ আৰু লিনৰ বিবাহ হয় ।
লগতে পঢ়ক: মণিপুৰত বিয়াৰ পিচত মুম্বাইত অভ্যৰ্থনাৰ আয়োজন কৰিলে ৰণদ্বীপ-লিনে, চাওক ভিডিঅ’
