চিটাৰা ডেস্ক, 10 মাৰ্চ: চলচ্চিত্ৰ জগতৰ বিখ্যাত পৰিচালক অনুভৱ সিনহাৰ ছবি হয়তো সকলোৱে চাইছে ৷ শ্বাহৰুখ খানৰ অভিনীত ৰাৱণ ছবি, টাপচি পান্নুৰ থাপ্পাড, ৰিশী কাপুৰৰ অভিনীত ছবি মুল্কৰ উপৰিও বহু ছবি নিৰ্মাণ কৰা অনুভৱ সিনহাই চলচ্চিত্ৰ প্ৰেমীৰ বাবে লৈ আহি আছে আন এখন ছবি ৷
অনুভৱ সিনহাই কৰ’না কালৰ দীৰ্ঘদিনীয়া লকডাউন আৰু লকডাউনৰ সময়ছোৱাত সাধাৰণ ৰাইজৰ দুৰ্দশাৰ ওপৰত নিৰ্মাণ কৰিছে এখন ছবি ৷ ছবিখনৰ নাম "ভিৰ" (Bheed Trailer Release) ৷ ছবিখনত মুখ্য চৰিত্ৰত অভিনয় কৰিছে অভিনেতা ৰাজকুমাৰ ৰাও আৰু অভিনেত্ৰী ভূমি পেডনেকাৰে (Rajkummar Rao movie trailer) । শেহতীয়াকৈ এই ছবিখনৰ টিজাৰ প্ৰকাশ পাইছিল আৰু ১০ মাৰ্চত অৰ্থাৎ আজি মুক্তি লাভ কৰিছে ছবিখনৰ ট্ৰেইলাৰ ।
- " class="align-text-top noRightClick twitterSection" data="">
ছবিখনৰ ট্ৰেইলাৰ অতি হৃদয়স্পৰ্শী আৰু ট্ৰেইলাৰৰ প্ৰতিটো দৃশ্যই গাৰ নোম শিয়ৰি যোৱা দৃশ্য ৷ গোটেই পৃথিৱীয়ে লকডাউনৰ সময়ছোৱাত দেখা সেই ভয়ংকৰ দৃশ্য হয়তো কেতিয়াও পাহৰিব নোৱাৰিব ৷ ছবিখনৰ ট্ৰেইলাৰত লকডাউনৰ সময়ছোৱাৰ সেইবোৰ হৃদয়বিদাৰক দৃশ্য পৰিলক্ষিত হয় (Story of lockdown amid Corona Virus) ৷
২.৩৯ মিনিটৰ ট্ৰেইলাৰটোত লকডাউনৰ সময়ছোৱাত ক্ষতিগ্ৰস্ত হোৱা সাধাৰণ লোকসকলৰ ওপৰত প্ৰশাসনৰ অত্যাচাৰ । আনহাতে নেতা আৰু আৰক্ষী বিষয়াই নিজ নিজ ক্ষমতাৰ বাবে ইগৰাকীয়ে সিগৰাকীৰ ওপৰত নিজৰ ক্ষমতা প্ৰয়োগ কৰা দেখা গৈছিল । ট্ৰেইলাৰটোত আৰক্ষী আৰু ৰাজনীতিবিদসকলে লকডাউনৰ সময়ছোৱাত আচলতে কেনেদৰে কাম কৰি আছিল তাৰ দিশো উন্মোচন কৰা হয় ৷ ভিৰ ছবিখন অহা ২৪ মাৰ্চত মুক্তি লাভ কৰিব ।
উল্লেখ্য যে, 2020 বৰ্ষৰ 22 মাৰ্চত সমগ্ৰ দেশত কৰ’না ভাইৰাছৰ বাবে সতৰ্কবাণী জাৰি কৰি দেশজুৰি কাৰ্ফিউ জাৰি কৰা হৈছিল । দেশৰ প্ৰধানমন্ত্ৰী নৰেন্দ্ৰ মোডীয়ে দেশবাসীক সম্বোধন কৰি লকডাউনৰ ঘোষণা কৰিছিল ৷ লকডাউনৰ ফলত ৰাস্তা-ঘাটত মানুহ উলাব পৰা নাছিল ৷ যাৰ ফলত দৈনিক হাজিৰা কৰি খোৱা বহু মানুহ খাদ্যৰ অভাৱত মৃত্যুৰ মুখতো পৰাৰ খবৰ পোৱা গৈছিল ৷ মুঠৰ ওপৰত কৰ’নাকালৰ সেই সময়তছোৱা কোনেও হয়তো পাহৰিব নোৱাৰিব ৷
ছবিখনৰ ষ্টাৰকাষ্টত ৰাজকুমাৰ ৰাও আৰু ভূমি পেডনেকাৰৰ উপৰিও পংকজ কাপুৰ, আশুতোষ ৰানা আৰু চি আই ডিৰ খ্যাতি আদিত্য শ্ৰীবাস্তৱ মুখ্য চৰিত্ৰত অভিনয় কৰিছে ।
লগতে পঢ়ক: Bholaa trailer out: অজয় দেৱগণৰ ছবি ভোলাৰ ট্ৰেইলাৰ মুকলি
