চিটাৰা ডেস্ক, 5 ডিচেম্বৰ : অক্ষয় কুমাৰ, সুনীল চেট্টী আৰু পৰেশ ৰাৱাল অভিনীত কমেডি আৰু আইকনিক ছবি 'হেৰা-ফেৰী'ৰ তৃতীয় অংশ দীৰ্ঘদিন ধৰি চৰ্চাত আছে । ইয়াৰ কাৰণ হৈছে অক্ষয় কুমাৰৰ ছবিখনৰ পৰা প্ৰত্যাহাৰ । এই খবৰটো বিয়পি পৰাৰ পিছৰে পৰা অক্ষয়ৰ অনুৰাগীসকল হতাশ হৈ পৰে যে অক্ষয় কুমাৰৰ 'ৰাজু'ৰ চৰিত্ৰটোৰ অবিহনে হেৰা-ফেৰীত কি ধৰণে হাস্যৰস থাকিব পাৰে !
কাৰ্তিক আৰ্য়ানক এই ছবিখনত দেখিবলৈ পোৱা যাব আৰু পৰেশ ৰাৱালে এই কথা নিশ্চিত কৰিছে । কিন্তু শেহতীয়াকৈ অক্ষয় কুমাৰৰ অনুৰাগীসকলৰ বাবে এটা ভাল খবৰ ওলাইছে (Akshay Kumar latest news) ৷ ছবিখনৰ নিৰ্মাতা সকলৰ সৈতে আলোচনাত মিলিত হৈছে অক্ষয় কুমাৰ । অক্ষয় কুমাৰৰ ছবি 'হেৰা ফেৰী 3' ঘূৰি আহিছে জানো আহক-
ছ'চিয়েল মিডিয়াত #NoAkshayNoHerapheri
সংবাদ মাধ্যমৰ বাতৰি অনুসৰি, হেৰা-ফেৰী-3 হাতৰ পৰা ওলাই যোৱাৰ পিছত অক্ষয় কুমাৰে এক সাক্ষাৎকাৰত আৱেগিকভাৱে বহু কথা কৈছিল আৰু ছবিখনত ৰাজুৰ চৰিত্ৰটো তেওঁৰ হৃদয়ৰ কিমান ওচৰৰ সেয়াও ব্যক্ত কৰিছিল । যেতিয়া অক্ষয়ৰ সাক্ষাৎকাৰৰ ভিডিঅ'টো ছ’চিয়েল মিডিয়াত ভাইৰেল হৈছিল, অনুৰাগীসকলে অক্ষয় কুমাৰক ছবিখনলৈ ঘূৰাই নিয়াৰ বাবে এটা অভিযান আৰম্ভ কৰিছিল । অক্ষয়ৰ অনুৰাগীসকলে সামাজিক মাধ্যমত #NoAkshayNoHerapheri হেচটেগ চলাই আছে । জানিব পৰা মতে ছবিখনৰ প্ৰযোজক ফিৰোজ নাদিয়াদৱালাই অক্ষয় কুমাৰক ছবিখনত লোৱাৰ বাবে পুনৰ আলোচনা আৰম্ভ কৰিছে । এতিয়া অক্ষয়ৰ অনুৰাগীসকলে সেই দিনটোৰ বাবে অপেক্ষা কৰি আছে যেতিয়া হেৰা-ফেৰী 3 ত অক্ষয় কুমাৰ থকাৰ কথা আনুষ্ঠানিকভাৱে ঘোষণা কৰিব নিৰ্মাতা সকলে ৷
11 নৱেম্বৰত টুইটাৰত এজন অনুৰাগীয়ে পৰেশ ৰাৱালক সুধিছিল, ‘পৰেশ ৰাৱাল চাৰ, হেৰা ফেৰী 3 ত কাৰ্তিকে কাম কৰি থকাটো সঁচা নেকি ? ব্যৱহাৰকাৰীৰ এই প্ৰশ্নটোৰ ওপৰত পৰেশ ৰাৱালে কৈছিল, ‘হয় ই সঁচা’। দীৰ্ঘদিন ধৰি, কাৰ্তিকক 'হেৰা-ফেৰী 3' চলচ্চিত্ৰৰ সৈতে সংযোগ কৰাৰ কথা সকলো স্পষ্ট হৈ পৰিছিল ।
ইয়াৰ পূৰ্বে, কাৰ্তিক আৰ্য়ানক অক্ষয় কুমাৰ আৰু পৰেশ ৰাৱাল অভিনীত ছবি 'ভুল ভুলইয়া'ৰ দ্বিতীয় অংশত দেখা গৈছিল । ভুল ভুলইয়া-2'য়ে বক্স অফিচত সফলতাৰ মুখ দেখিছিল । ছবিখনে বক্স অফিচত 250 কোটিতকৈয়ো অধিক টকাৰ ব্যৱসায় কৰিছিল । কাৰ্তিকৰ অনুৰাগী আৰু তেওঁৰ অভিনয় প্ৰতিভা দেখি বলীউডৰ বহুতো নিৰ্মাতাই তেওঁক নিজৰ ছবিৰ বাবে মুখ্য তাৰকা হিচাপে বিচাৰে ৷ 'হেৰা ফেৰী 3' ৰ উপৰিও কাৰ্তিকৰ হাতত আছে 'ফ্ৰেডি', 'সত্যপ্ৰেম কি কথা' আৰু 'শ্বাহজাদা' ।
'হেৰা ফেৰী-3' বোলছবিখন নীৰজ ভোৰাই পৰিচালনা কৰিব । চলচ্চিত্ৰখনত অক্ষয় কুমাৰ, সুনীল চেট্টী আৰু পৰেশ ৰাৱালৰ আইকনিক কমেডীয়ে আকৌ এবাৰ দৰ্শকক হাঁহিৰ খোৰাক দিব আৰু কাৰ্তিকেও তেওঁৰ কৌতুকৰ এক সুন্দৰ স্পৰ্শ যোগ কৰিব ছবিখনত ।
লগতে পঢ়ক : Hera Pheri franchise: কাৰ্তিকে হেৰা-ফেৰী ফেঞ্চাইজিত যোগদান কৰা সন্দৰ্ভত সুনীল শেট্টীৰ বিশেষ মন্তব্য
