পঞ্জাৱত মৰণাস্ত্ৰ, হেৰ’ইন সহ আটক দুই লোক

পঞ্জাৱৰ ফিৰোজপুৰত মঙলবাৰে নিকোটিন বিৰোধী বিভাগে দুজন ব্যক্তিৰ পৰা জব্দ কৰে 1 কেজি ওজনৰ নিচাযুক্ত হিৰ’ইন ৷ প্ৰায় 5 কোটি টকাৰ হেৰ’ইনখিনিৰ লগতে জব্দ কৰে এটা পিষ্টল সহ পোন্ধৰটা কাৰ্টিজ ৷ চুলতেজপুৰ নদীৰে পাকিস্তানৰ পৰা ভাৰতলৈ সৰবৰাহ কৰাৰ চেষ্টা চলাওতেই জব্দ হয় সামগ্ৰীখিনি ৷

ফিৰোজপুৰ, 29 মে’: পঞ্জাৱৰ ফিৰোজপুৰত আটক কৰা হয় দুজন ধৃত ড্ৰাগছ সৰবৰাহকাৰীক ৷ মঙলবাৰে চুলতেজ নদীৰে পাকিস্তানৰ পৰা ভাৰতলৈ আহি থাকোতে ফিৰোজপুৰ এণ্টি নিকোটিন চেলে আটক কৰিবলৈ সক্ষম হয় ধৃত লোক দুজনক ৷

নিচাযুক্ত দ্ৰব্যৰ লগতে আৰক্ষীয়ে লোক দুজনৰ পৰা জব্দ কৰে এটা পিষ্টল সহ 15 টাকৈ কাৰ্টিজ ৷ উল্লেখ্য যে, জব্দকৃত হেৰ’ইনখিনিৰ বজাৰ মূল্য হ’ব প্ৰায় 5 কোটি টকা ৷ ইতিমধ্যে লোক দুজনক আটক কৰি বৰ্তমানে তদন্ত অব্যাহত ৰাখিছে আৰক্ষীয়ে ৷