ডুমডুমা, 9 আগষ্ট: বাঘজান কাণ্ডই আজি 75 টা দিন অতিক্ৰম কৰিছে যদিও নিৰ্বাপিত হোৱা নাই অভিশপ্ত বাঘজান BGR-5 নম্বৰ তৈলখাদত সংঘটিত হোৱা অগ্নিকাণ্ড । যাৰ ফলত বিগত 75 টা যন্ত্ৰণাকাতৰ দিন আশ্ৰয় শিবিৰত অতিবাহিত কৰিবলগীয়া হৈছে বৃহত্তৰ বাঘজানৰ দূৰ্ভগীয়া লোকসকলে ।
যাৰ ফলৰ অতিষ্ঠ হৈ আশ্ৰয় শিবিৰত থকা সমূহ বাঘজানবাসী দেওবাৰে তিনিচুকীয়া জিলা উপায়ুক্তৰ কাৰ্যালয়ত শিবিৰ পাতিবলৈ দলে-বলে ওলাই আহে ।
দূৰ্ভগীয়া লোকসকল জিলা উপায়ুক্তৰ কাৰ্যালয়ৰ অভিমুখে আগবাঢ়ি থকাৰ সময়তেই স্থানীয় বাঘজান আৰক্ষীয়ে আৰক্ষী থানাৰ সন্মুখত বিশাল বেৰিকেড দি লোকসকলক জিলা উপায়ুক্ত কাৰ্যালয়লৈ যোৱাত বাধা প্ৰদান কৰে । ক্ষোভিত লোকসকলে বেৰিকেড ভাঙি আগবাঢ়িবলৈ চেষ্টা কৰে যদিও আৰক্ষীৰ সৈতে লিপ্ত হয় খণ্ডযুদ্ধত ।
ইফালে, আৰক্ষীৰ লাঠিচালনাত এগৰাকী মহিলা গুৰুতৰভাৱে আহত হ'বলগীয়া হয় বুলিও জানিব পৰা গৈছে । ফলত আৰু অধিক উত্তপ্ত হৈ পৰে পৰিস্থিতি ।
লগতে চাওক-নগাঁৱৰ কলঙত উদ্ধাৰ অচিনাক্ত মৃতদেহ
