গুৱাহাটী, ৩ আগষ্ট : ১৯৫১ চনক ভিত্তি বর্ষ হিচাবে লৈ এজনো অবৈধ অনুপ্ৰৱেশকাৰীৰ নাম অন্তৰ্ভুক্ত নোহোৱাকৈ এখন শুদ্ধ ৰাষ্ট্ৰীয় নাগৰিক পঞ্জী প্ৰস্তুতৰ পোষকতা ইউনাইটেড ট্ৰাষ্ট অৱ অসমৰ (Demand for proper NRC)৷ লগতে পূৰ্বৰ এন আৰ চিৰ সমন্বয়ক প্ৰতীক হাজেলাৰ বিৰুদ্ধে উত্থাপিত ব্যপক দুৰ্নীতি আৰু অনিয়মৰ অভিযোগৰ চিবিআই তদন্ত দাবী কৰিছে সংগঠনটোৱে (Demand of CBI inquiry against Prateek Hajela)।
বুধবাৰে মহানগৰীৰ চচলৰ প্ৰতিবাদস্থলীত পুৱা ৬ বজাৰ পৰা সন্ধিয়া ৬ বজালৈ ১২ ঘন্টীয়া প্রতীকী অনশন কাৰ্যসূচীৰ জৰিয়তে সংগঠনটোৱে এন আৰ চিৰ নামত সংঘটিত বিয়াগোম কেলেংকাৰীৰ এক উচিত তদন্তৰ বাবে চৰকাৰৰ ওচৰত দাবী তোলে (Allegation of corruption in NRC)। এই প্ৰতিবাদস্থলীত অংশ গ্ৰহণ কৰে সংগঠনটোৰ উপদেষ্টা শিৱ প্ৰসাদ শৰ্মা আৰু অধ্যক্ষ দ্বিজেন বৰঠাকুৰে ৷
তেওঁলোকে কয় যে, ৰাষ্ট্ৰীয় নাগৰিক পঞ্জী উন্নীতকৰণৰ চাৰি বছৰজোৰা ব্যস্ততা আৰু কোটি কোটি ৰাজহুৱা ধন ব্যয়ৰ মূৰত এখন খচৰা প্ৰস্তুত কৰি প্ৰতীক হাজেলা বাহিনীয়ে সর্বোচ্চ ন্যায়ালয়ত দাখিল কৰিছিল ৷ কিন্তু সেইখন শুদ্ধ আৰু নিৰ্ভেজাল আৰু বিদেশীৰ নাম মুক্ত দলিল হৈছে বুলি মানি ল’বলৈ অসমৰ সংখ্যাগৰিষ্ঠ জনতা আস্বস্ত হ’ব পৰা নাই ।
ইয়াৰ বিপৰীতে সদ্য অৱসৰপ্ৰাপ্ত সমন্বয়ক হিতেশ দেৱ শৰ্মাই প্রতীক হাজেলাৰ বিৰুদ্ধে বিত্তীয় খেলিমেলি আৰু নাগৰিক পঞ্জী উন্নয়নত দুৰ্নীতিৰ আশ্ৰয় লোৱাৰ অভিযোগ তুলি অসম চৰকাৰৰ চি আই ডি বিভাগত তৰা গোচৰত তদন্তৰ অনুমোদন দিয়াত বিলম্ব কৰিছে অসম চৰকাৰে (Allegation against Prateek Hajela) ৷ ইয়াক অসমৰ সচেতন বৌদ্ধিক মহলে সহজভাৱে লোৱা নাই ।
